أنا بدي علق ع الموضوع و بالتحديد الشي اللي قالو صياد الطيور
اقتباس:
|
اذا بتدوري على الأشخاص الي عم يقوموا بعمليات انتحارية ... بتلاقي انهم اشخاص ملعوب بعقلهم تماماً ... ومشوشين على الآخر ... بتأثير كلام البعض فيهم ...
|
ليش بدنا نفترض أنو اللي عم يقومو بالعمليات الانتحارية مشوشين و ملعوب بعقلن ؟؟ سناء محيدلي كانت مشوشة شي ؟؟ حدا لعب بعقلا ؟؟
ما من حقنا انو نصنف بعض الانتحاريين ( شهداء ) و بعض الانتحاريين ( مشوشين ) ... ع شو عم نستند ؟ أنا بشوف أنو اللي عم ينفذ عملية انتحارية هو شخص عندو قناعة تامة بالشي اللي عم يعملو ..و عم يعمل هالشي لأنو مؤمن في تماما ....ما حدا ممكن يضحي بحياتو هيك ........طبعا كمان ما منقدر نتعامى عن نقطة جوهرية أنو بحالة الاشخاص اللي وصفتن بال ( مشوشين ) في نوع من الحافز بالاضافة للقناعة وهو الوعد بالجنة وحور العين ...بس بتضل القناعة هي العامل الحاسم ..و الا كنت لقيت العالم كلا عم تفجر حالا
اقتباس:
|
وما في دين بالعالم حلل قتل الأبرياء والأطفال والعزل ... شو الفائدة من هيك عمليات ؟؟؟؟؟
|
في خلاف كبير حول الابرياء ..انو مين هني ؟
بعدين ليش عم تفصل (الابرياء ) - ( الاطفال ) - ( العزل ) ليش شو الاطفال غير الابرياء ...ولا مانهن عزل ؟؟
طبعا في فتاوى على كيف كيفك ...بقدر اعطيك اقتباس مثلا
اقتباس:
1- قال الشافعي (الأم 4/257) :
" وإذا تحصن العدو في جبل أو حصن أو خندق أو بحسك أو بما يتحصن به : فلا بأس أن يرموا بالمجانيق ، والعرادات ، والنيران ، والعقارب ، والحيات ، وكل ما يكرهونه ، وأن يبثقوا عليهم الماء ليغرقوهم ، أو يوحلوهم فيه ، وسواء كان معهم الأطفال والنساء والرهبان أو لم يكونوا ؛ لأن الدار غير ممنوعة بإسلام ولا عهد ، وكذلك لا بأس أن يحرقوا شجرهم المثمر ، وغير المثمر ، ويخربوا عامرهم ، وكل ما لا روح فيه من أموالهم"اهـ
|
طبعا انا ما بعرف شو السياق التاريخي لهالحديث ..و بشارطك انو 99 % من العالم ما بيعرفو ...بس وقت بكون عندي الشي اللي اسمو ( إيمان ) + الشي اللي اسمو ( ثقة ) + الشي اللي اسمو ( انتماء ) بصير كتير سهل اني اقتنع بفتو او مرجع بدون ما شغل مخي كتير ....و بقتل الاعداء لأنو الله أمرني اني اقتلن حتى لو كان معن ابرياء + اطفال + عزل
اقتباس:
ما فيي قول انو أميركا مو ورا عملية 11 أيلول ... ولا شي بالعالم بيقنعني بهالشي ....
|
طيب أنا ما بدي اقنعك...بس بتقدر انت تقنعني ؟؟
اقتباس:
وما في شي بالعالم كلو .. ممكن يكون أذكى من موضوع ( أسامة بن لادن ) العميل الأول للمخابرات الأمريكية ..
الي هو هلق قاعد على ما أعتقد بجبال هامالايا .. وبين الحريم والخمر ... شوي تانية بيقولوا .. تعال عندك تصوير ..بيروح بيركب هالدقن .. وبيمسك البارودة ( أخمص طي سبطانة قصيرة ) وبيحطولوا بطانية ورا منو .. وبيبلش يحكي بأسم الأسلام وما شابه ...
|
مين هو أسامة بن لادن ؟؟ يعني أنو هلأ اسامة بن لادن هو اللي عم يحارب ؟؟ ما بدي ناقش بموضوع بن لادن لأنو مضيعة للوقت ...و بغض النظر عن حقيقة بن لادن ..في حقيقة واضحة وضوح الشمس
في ناس ..ناس كتار ...تركو بيوتن ..و اهلن ..و شغلن ..و حياتن ...و راحو يحاربة بافغانستان و الشيشان و البوسنة و السودان ..و العراق ...و عم يموتو كرمال شي هني مقتنعين في ....و بالنسبة لهالناس بن لادن بطل و شيخ و زعيم و مناضل .... ...بعد كل هاد ما بعود كتير مهم نعرف شو حقيقة بن لادن ....بكفي انو نعرف الواقع ...
بالنهاية ...الشي الأكيد أنو في صحوة اسلامية ....هالصحوة مانا صحوة منظمة بشكل عام ...أو بالأحرى مافي الها منظومة وحدة ...في صحوة عم تاخد طابع سلفي ...جهادي ..و من أهم رموزا بن لادن ...الظواهري...الزرقاوي
في صحوة عم تاخد طابع حضاري ...انمائي ...اجتماعي .....طبعا من أهم رموزا ...عمرو خالد
في صحوة عم تاخد طابع لا هيك ولا هيك ...بمثلا القرضاوي
في نوع من الشعور العارم عند المسلمين بالاضطهاد ...و الحرمان ....و التخلف .....و في شعار كبير قالو حسن البنا من اكتر من نصف قرن بلش هلأ ياخد صدى قوي ( الإسلام هو الحل )
من جهة تانية ...صار بالفعل من الصعب التمييز بين اذا كانت الحرب اللي عم يخوضا الغرب هي حرب على ( الارهاب ) أم حرب على ( الاسلام )
لو سألتني من سنتين كنت قلتلك أنو هي حرب على ( الارهاب ) بدون شك , بس هلأ بقلك ما بعرف ...لأنو صار في استعداد كبير عند الغرب أنو يشن حرب على ( الأسلام ) كفكر شبيهة بالحرب الباردة ضد الشيوعية ...و الاسباب متعددة ....و كتيرة و يصعب شرحا و تبسيطها .
أنا شخصيا بتوقع أنو حالة هالحرب رح تمتد على طول القرن الحادي و العشرين ...تماما متل الحرب الباردة ...و رح تمر بمراحل ساخنة حتما ( متل الحالة العراقية , و بعتقد مستقبلا رح يكون في حالة ايرانية ) و رح تنتهي هالحرب بسقوط احد ى الجبهتين ...طبعا بدون أن تفنى ...و بالنهاية نحنا ما طالع بايدنا شي الا انو نحضر هالفيلم ....و اذا اجانا نصيب احتما نقدر نمثل في ....مع انو ما بتصور انو رح يطلعلنا بأحسن الأحوال دور أكبر من دور ( يمر )
J.S: Death is the solution to all problems. No man = No problem.