اهلين سيزار ...
بس سؤال .. وقت اللي حددوا الكتابة بحوار الاديان بعدة اشخاص .. هيك ما هنّي منعوا بقية العالم من المشاركة - واللي يمكن تكون ثقافتهم بهالمجال اعلى واحسن بـ100 مرة من الموجودين حالياً - ؟؟
بس هالشي ما منع من انّو يتحدد ... مع فتح المجال للمشاركة عن طريق بعت رسالة للمشرف وبيشوفوا - المؤهلات على حسب المشاركات السابقة الو بالمنتدى - وبعدين بيقولوا اي او لاء ..
لهون تمام ؟!؟
اي .. انا عم قلّك انّو لو صار نفس الشي بالمنبر .. ما رح يتغير ولا رح تنتقص منّو كلمة حر او ديمقراطي .. مثال : حالياً معروف مين هنّي الاشخاص اللي عم يشاركوا ويكتبوا مواضيع بالمنبر ..ومين اللي عم يشاركوا - بردود على الاقل - بس بشكل صح .. كيف يعني بشكل صح ؟ يعني ما بيحولوا المنبر لمكان تاني للتنكيت او مكان تاني للدردشة او حتى للخناقات وهي اكتر شي صاير هلأ ...
وكمان شغلة تانية ... اللي عم يسجلوا جديد .. انّو دخيل الله شو ضارب فيهم الحماااس ليشاركوا بالمنبر قبل كل شي !! وشي بيفهم وشي ما بيفهم ( والاغلبية لاء ) ..
اي عم يصير لت وعجن وتخبيص كتير !!!
وشغلة تالتة ... من فترة انتكش كم موضوع قديم كانوا بالمنبر .. طبعاً مع الاعضاء الجداد - خرب - الموضوع القديم ... وصار في مهاترات وكلام بيسوى وما بيسوى .. قام شو كان ردة فعل الاعضاء القدامى ؟! قالوا ( يا ريت ما حدا نكشوا .. وبقي متل ما هو طاهر بمحلّو ) ...
وانا بقول .. لاء هاد مو حل !! مو حل انو يبقى بمحلّو .. من حقنا نستفيد منّو!! بس نستفيد منو بالطريقة الصح وبطريقة تكمّل وتزيد عليه آراء ونقاشات بنفس المستوى - الراقي - اللي كان عليه
طبعاً هاد كلّو .. في حال حبّيتو يبقى المنبر الحر .. هو المنبر الحر اللي كانت كلمتو تهز جبال ووو مساعدين واعوان
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...