الروتين الصباحي ليوم السبت
يكتر خير ها البلد قدمولنا هدية حلوة وهي عطلة يوم السبت
روتين يوم السبت بالنسبة لألي هو اللي دفعني اكتب ها الموضوع
بستيقظ صباحا وركض على باب البيت بفتحو
يا بلاقي جريدة الوسيلة يا بلاقي جريدة الدليل
وفي أيام بلاقيون تنيناتوت
هون بكون المندوب ابن حلال مو هافف الجريدة الضرة
مثلاً أذا أجى مندوب الدليل أول فبكون نصيبي جريدة الوسيلة
والعكس صحيح فهموها أنتو بئا
بالأونة الأخيرة كثرت الأعلانات عن الأرقام الجميلة
من ثم تغير الأسم لا الأرقام الذكية
بس كنا ما ندقق فيها كتير ولا نعيرها أي اهتمامات
لحتى سمعنا مقاطعة جريدة الدليل بقيادة الدكتور مأمون الحلاق
لممثلي الأرقام الذكية ومنع التعامل معهم منعاً باتاً
أو أدراج أي اعلان لهم
وبدء البحث عن الأسباب
وأنا مارح قول شو الأسباب هي الأعلانات وأنتو بأمكانكم تعرفوا السبب
الجريدة الوسيلة
الصفحة 3 العدد195
14\4\2006
الأعلان رقم واحد:
لموظفات الشبكة الذكية
مطلوب للعمل فوراً خبيرات في الشبكة الذكية
برواتب مغرية جداً جداً
توزع الرواتب اسبوعياً
مع السرية التامة بالتعامل
اتصل على الرقم *********
الأعلان رقم اثنان:
أليسا ....روبي....ماريا
نحنا منغنيلك الغنية يلي بدك على التليفون
فقط اتصل على الرقم***********
الأعلان رقم ثلاثة:
خط الزواج ايجاد شريك العمر عن طريق الهاتف
تيلفون رقم:*************
الأعلان رقم اربعة:
كلام نواعم على مدار الساعة
24\24
فقط اتصل ********
وهكذا على ها النمط
هل تبحث عن نصفك الأخر
فكرة جادة حوار هاتف
اسأل احكي وتوافق مع حبيبك
وآخر شي:
فرصة عمل مميزة للراغبات بالعمل في خدمة الشبكة الذكية
معاشات وحوافز مغرية جداً جداً
تبدأ من 300 ليرة سورية (أي ما يعادل 6 دولار)على الساعة
وكما نعلم الأرقام تبدأ برقم واحد
وتكلفة الدقيقة 25 ليرة سورية أي مايعادل نصف الدولار تقريباً
والقصة الأكثر تميزاً
موظف على باب الله رايح يدفع فاتورة الخط الثابت
وبيتفاجأ أنها 8000 ليرة أو يمكن أكثر
وبيتذكر هو ماعندو لا صفر ولا صفرين شو القصة؟؟
بيقوم بسب على مؤسسة الأتصالات يلي بفكرو عم تسرقوا
بيجيبولوا هون كشف وإذ
أنت يا أخي عم تتصل على الشبكة الذكية بالساعات
ويمكن هو بعمرو مو سمعان بهيك شي
وهاد الشخص نموذج من ألف شخص أيسوا أنتو بئا على عدد الموظفين المعترين بها البلد
قدموا اعتراض لمؤسسة الأتصالات عن أنو فواتيرهم غلط
وطبعاً مؤسسة الأتصالات تنهدت الصعداء
بطلبات الأعتراض على قيمة الفواتير التي دائماً ما تفوق الــ 5000 ليرة سورية
وهون قررت مؤسسة الأتصالات بعد التناوش والتحاور والأتصالات مع الجهات العليا
اصدار قرار جديد
اسمو قرار حذف الواحد= الأرقام الذكية
وبالمعية كمان حجب الأنترنيت
لمن يرغب
وهكذا صار في ميزة حجب الأرقام الذكية والجميلة والأنترنيت
متل ما بتحجب الصفر والواحد القطري وغيروا
للتنويه مين بحب يحذف يحذف
عم انتظر تعليقات الكل على الموضوع
وشو رأيكم بالأرقام الذكية
.وبقرار مؤسسة الأتصالات