اقتباس:
|
كاتب النص الأصلي : خريف دمشق
أخواني لا أعرف هل نحن في منتدى أم في غرفة دردشة (شات)؟؟!
كل يرد بكلمة وكلمتين!
ثم بالنسبة للي قال أنو الموقع محجوب من السعودية وتحدث عن ديموقراطيتها فالحجب هو من إدارة الموقع والدليل هو ظهور الرسالة من الموقع ولو كان محجوب من السعودية لظهرت رسالة تفيد بأن الموقع محجوب.
يبدو أن الادارة حجب أيبيات السعودية!
|
بالنسبة للجزء الاول من ردّك .. معك حق
وبالنسبة للجزء التاني ... معك حق .. الاّ شوي
اي نعم الادراة هيي اللي حجبت الموقع عن السعودية .. لانّو ما اجالنا من هنيك الا المشاكل ..
القصّة بالاساس بدأت مع شخص او 2 من السعودية .... بعدين ما لقينا الا صار المنتدى رح يقلب سعودي !! .. كل واحد صار يجيب " ربعه " ويدلهم على هالموقع ليخربوه بتعليقاتهم السخيفة
و" النكتيّة " ...
هاد غير الحزب اللي قرّروا انشاؤه وتسميتو (حزب المشكلجية ) ...
يعني باين انّو الغرض التخريب لا اكتر ولا اقل ... وبلّشو يخبصوا حكي طالع نازل ويعفسوا بهالمنبر ...
حكينا معهم بالزوق .. ما مشي الحال ... اتبعنا معهم سياسة التطنيش .. ما نفع .. سياسة
( قائمة التجاهل ) يعني ما بيعود ببيّن عندك مشاركتو للعضو ... كمان ما نفع معهم ...
اللي بدّي اوصلّو انّو الادارة وقت اللي لجأت لهالحل ... كان متل الحل الاخير - تقريباً -
ومتل ما بيقول المثل .. الباب اللي بيجيك منّو الريح .. سدّو واستريح
P.S
اوّل من اقترح فكرة حجب الموقع عن السعودية هو صياد الطيور اللي هو حالياً بالسعودية !!
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...