مرحبا اخواتي كيفكن ؟؟
انا مضطر اترككن هالفترة لانو عندي بكالوريا ورح ارجع بعد شهرين ونص تقريبا ....
انتو ادعولي ...
وعنجد انا رح اشتاقلكن خيراااااااااااات الله وخصوصا بعض الاشخاص اللي تركو شي كتير بقلبي واللي هني :
المعلم هاني (بعرفو ما بيحب لقب المعلم مشان هيك )
وجوهرة المنتدى ليلى الغالية على قلبي كتييييييييييير
والموسيقية العظيمة ..الاخت الغالية مرام ...
وملاك المنتدى الاسود ديما
( عم امزح ..هاي امورتي ديما )
والزعيم الكبير ...اسامة الملقب بأساموف (بما أنو بروسيا هلق منعنش ومبسوط مع الروسيات الشقر هنيك )
وريتا اسوت وحدة بالمنتدى (اسوت =اسم تفضيل من سويت يعني حلو )
ولؤي لاعب كرة القدم الشهير على مستوى حارات حمص ومكبات زبالتها ..
وجاد الكمبيوترجي الكبير ...وصاحب الافكار الفذة ...
وزين ..(ولا زين فردها بقا ما بدها كل هالتشاؤم وعلى قولة غيفارا العرب زياد الرحباني ...نص الألف خمسمية )
وريم =ايفي وردة جبلة ...قصدي عفريتة جبلة ...ههه
وفراشة المنتدى المشكلجية
بس يللا انتي بشوفك هون بحلب ..(الله يصبرنا )
وجورج (كاكابودا) ابو الخواطر والأحاسيس ...
والوسوفي الكبير جدا ...صياد الطيور ...
و كريم مشرفنا العظيم والمتابع الفذ لكل اعمال النبي زياد الرحباني ...
وفادي جوفنتس صيدلاني المنتدى ...
وفي وحدة لذيذة كتير وغالية وصرلي زمان ماني شايفها ما بعرف شو قصتها ...منية الغالية ..اشتقتلا ...
سااااااااامحوني اذا نسيت اي حدا ...
بدكن ماتواخذوني ...بكالوريا الله يعزكن ...
وحيااااااااااة الله رح اشتاااااااااااااااقلكن كتييييييييير كتييييييييير كتيييييييييييير
بس في شغلتني حابب انو يصيروا لما ارجع ..
1- انو لما ارجع ...بتمنى ارجع شوف اخوية القديمة ..اخوية النضيفة ..اللي علمتني كتير شغلات ..واللي يمكن غيرتلي نظرتي بكتير امور ..
2- انو ما تنسوا واحد اسمو يامن ...كان بوقت من الاوقات هون بالمنتدى ...
لا تنسوني ...
يللا سلام ..