طيب انا قريت كل الموضوع وكل الردود
وبما انو نحنا بالمنبر وقلب الموضوع من الاسلام السياسي للنمرأة راح احكي بنفس الموضوع
اول شي
الي بيقول انو الاسلام ظلم المرأة او بتكون درجة تانية بيكون غلطان
هلق مشان نكون عم نحكي بالواقع
الاسلام في مشكلة كبيرة وهي كل واحد بيفسر الاسلام على كيفوا
وكتير صايرة عنا وهي مشكلة كبيرة بالاسلام
وراح ارجع عيد الاسطوانة
انو المرأة قبل الاسلام كانت تدفن وهي عايشة
الاسلام حرم هاد الشي
المرأة كانت بيعة وشروة كمان الاسلام حررها
هلق بدو واحد يطلع يقلي انو الجواري بالاسلام موجودين
بقللك ياسيدي اي كانو موجودين
بس الاسلام ما ممكن يجي لعنا سفق طرق ويقول عملوا هيك
يعني الرسول كان يشتري العبيد والجواري ويحررون وبنصح المسلمين بتحريرون
وبما انو الاسلام نزل بالتدريج كمان الامور التي اتحرمت اتحرمت بالتدريج والامور الي ما تحرمت
متل الجواري لانو مافي نص بيحرموا هي راح تكون من خارج الفطرة البشرية وراح تزول أكبر دليل انو هلاء جواري مافي
وبتمنى ما حدا يجبلي شي فتوة من شيخ سعودي ويقلي انو شوف محللين لانو بالاسلام ما مناخد بكلام مين ما كان
المرأة بالاسلام ورثت
وكانت لا تورث وبظن كلنا منعرف انها متل القمامة تعامل
الرسول عند موته اوصى بالنساء خير
ممكن اعرف الاسلام بشو ظلم المرأة
تذكروا انو انا عم احكي عن الاسلام
ما عم احكي عن المجتمع عم احكي عن المرأة
يعني انا من مناصري المراة ضد ظلم المجتمع لها
بتمنى من اي واحد عندو نقطة عن ظلم المرأة بالاسلام
يحطها
جاد
متلي متلك متل الكل
كلو واحد معصب لافكاروا وبيحبها
بس بتمنى تكون موضوعي شوي
ومو معناها انو انا ما بقبل الطرفين
انا مثلا
امي مسيحية
ونص عيلتي مسيحية وبقبل الكل ومتفهم لكل الافكار الي عند المسيحين
بس انا متمسك بأفكاري وبحبها وما بحب غيرها
وهاد مو تعصب
ونحنا منحترم الانسان كونوا انسان بعيد عن اي دين
وانا عم حاكيك عوضا عن السورية المشتاقة لانو بظن انو بعرفها منيح كتير
وانت كتير بظن اسئت الها
وبتمنى ما تزعل مني
بس انا بحب انو نحكي كلشي على بساط احمدي
وبيقولوا لو الجمل شاف حردبتوا
كان وقع وانكسرت رقبتوا
يعني اسلام ولا مسيحية
وبعد ما مر هالزمان صار في شغلات دخيلة وغلط
وما حدا بيحب يعترف فيها