مبارح اتصلت برفيقتي و قلتلها
مشي نشرب قهوة
باحدى الكافيهات ..
مالي حأذكر الاسم مشان ماتكون
دعاية
او لأني
بروح عليها كتير .. فمابدي تعرفو
مخبأي السـري
و تتعرفو
شخصي علييّ ..
بخاف من التلطييييش 
المهم ... و حملت حالي
ومشيت و وصلت ع هالكافيه ..
و مبارح متل ما بتعرفو
بالشام .. كانت عم تمطـر
طين !!! مو
مي ..
طييين !
و انا واقفة
ع الباب عم استنا ...
اتصلت رفيقتي ( المحقق كادجيت الذكي
)
و
قالتلي : هاهاها .. كمشتك يا غزول يا ملعونة ..
عم تعملي فيني كذبة نيسـان .. ملي جاية و عرفانة انو الموعد كلو خرط بخرط 
بس انا ماكنت عم كذب !!! و الله كنت عم استناها جد !!
طبعاً و بعد مليون يمين و مليون قسـم...
اقتنعت البنت و اجت لعندي بعد الموعد بشي ساعة ..
كانت محسوبتكن تحممت بالطين !! 
!!
و مع هيك .. لما وصلت قالتلي : ههه كنت حأرجع من نص الطريق .. قال تاري لسه الشك ماشي بدمها !!!!!!
كل هاد من 1 نيســان !!
~ غـزول شـوكولاطـه سـويسـرية ~