[Kakabouda]

بصراحة من أطيب و أغرب خلينا نسميها الخضار هي الكماي سبحان اله بتطلع من لا شي .. بيلزمها : 1 أرض صحراوية .. 2 : برق و رعد .. هدول فعلياً مقومات ظهور الكما . استغرب كتير من العالم و العلماء وماحدا قدر يفسر هالظاهرة ..
طبعاً هي نوع متل الفطر العادي بيطلع بالأرض لما تبرق و ترعد بقوة بفصل الشتاء و بأواخر فصل الشتاء بيطلعوا العالم لبوادي و الأماكن الصحراوية ليجمعوا الكماي . اذا انتركت الكماي بالأرض مدي معيني بتدوب و ما بضل منا شي .. و الشي الغريب أنو بالمحل الي بتطلع فيه كماي ما بترد بتطلع فيه مرّة تانية ..
ممكن تنطبخ الكماي مع رز و ممكن مع زيت و توم و بتطلع بتشهي و ممكن تتاكل محشية .. و الأطيب من هاد كلو مشوية . الله اله شي بشهي ..
و الأهم من كل هاد الي ما ذكرتو أنو بتنوجد مقاسات بتبدا من حجم حبة الحمص ( بس طبعاً ما بتتاكل لأنو بتكون كلها رمل ) لحد حجم بطيخة صغيري ..
و الأهم الأهم أنو السعر بالموسم بيتراوح بين 600 و 1600 ليرة سورية الكيلو .. فتأمل يا راعاك اله
رح ارفق شوي صور ....