عفواً من الشباب اللي سبقوني بالرد ومن ناقل المقال كمان ... بس انا قرأت المووضوع مرتين وما لقيت فيه عنصرية !!! ... والله كلامو مزبوط 100 % ...
يا جماعة الشام ما عادت بتنطاق بالصيف !! عجئة مو طبيعية !! يعني لحتى تخف العجقة بالشوارع للساعة 1 الصبح !! .. وبترجع بتبلّش من ال 6 !!
بتجي بدك تطلع تشم هوا نضيف على قاسيون .. بتلاقي كل امة لا اله الا الله هنيك !! ... اي وين بدنا نروح بحالنا ؟!!!
بعدين شغلة انو "اهل " الشام متضايقين من " سكان " الشام الحاليين .. اي بقلّك ياها متضايقين وكتير كمان !!! ... ليش ؟! لانه ابن المدينة ما عاد عم يطلعلوا فرصة ليعيش بمدينتو ومع اهلو وناسو بنفس المستوى اللي عايش فيه الجاية من محافظة تانية وجايب معو كل العائلة الكريمة ...
وبالاخير شو كانت النتيجة ؟!؟ الاغلبية هاجروا ... ما بقي شوام بالـ "شام"!!
وعلى قولتك ..
اقتباس:
|
بركي كمان شوي تانية بتندثر اللهجة الشامية!
|
لا تستبعد ... او يمكن تصير اللهجة ميكس من كل محافظات وقرى وضيع سوريا !!
وآخر شي ...
اقتباس:
|
مشكلة أخرى هي أننا نسمح للعربي بالاقامة والتملك بينما العرب لا يعاملونا بالمثل
|
والله هالمشكلة حارقتلّي قلبي !! ... انو على اي اساس بيسمحوا للغربا يتملّكوا بيوت واراضي؟! وليش ؟ وشو المناسبة؟
شو عم يعملولنا هنن ببلادهم ؟! ... كيف عم يعاملونا ؟! لنكون نحنا ببلادهم عايشين ملوك ؟!
على فكرة .. نحنا هون صرلنا فوق ال 20 سنة ... وصرنا دافعين اجرة البيت قد حقّو على مرتين .. بقا لشو بسوريا هالكرم الطائي ؟!
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...