هلق كل واحد بيتناقر هو واحد او وحدة بيكون نجرح شعورو وبيحمل حالو وبيكتبلي هالكلمتين:
انا تشرفت بمعرفتكون ...........وسلامي للاصدقاء .......وانا ماعاد بدي طل ...وشوية عواطف مهترية....وباي باي......
وخدوا عاتمسيح جوخ..ولا لاتروح وانا مافيني عيش بلاك والي بعدو ليش وشوية انفعالات....
وهيك بيكون شلش المنتدى وحقق الي ببالو وكسب شوية اهتمام.....وبيروح بغيبلو كم يوم وبيرجع .............يعني هالعبة صارت بايخة....
اما اذا البعض مارجع فااكيد بدو يكون عندون التزامات مابتسمحلون انو يطلو ....
متل الدراسة او ظروف خاصة او مشاكل وبنتمنالون التوفيق بدراستون...
يعني انا وقت الي بدي بلش دراسة عالاصلي ....اكيد رح تكون طلاتي بتنعد عالاصابع ويمكن ماطل فترة......
بس قصدي انو كل واحد بيكتب هيك موضوع بيروح الي بعدو بقلدو وبترجع القصة للاول ...
يعني المنتدى رح يصير استقبل وودع...
فهمنا انو في قسم للترحيب بالاعضاء الجدد بس شو راي المشرفين يعملو كمان قسم لتوديع الاعضاء............يعني عنجد بزعل وقت الي بشوف واحد اسس وبنى بهالمنتدى اخر شي بيقلنا والله انا رح روح وماعاد ارجع منشان ينبسطو....
او بيجي واحد تاني وبيقول هالمنتدى ماشغلتو غير المسخرة عالعالم....وانا بدي روح وماعاد اجي
طيب لو ماكانت شخصيتو ضعيفة لكل واحد نزعج من شغلة بالمنتدى ماكان راح.....
مارح طول عليكون بالحكي ....
بس بحب من كل واحد انو اذا صار في خلاف بينو وبين شي حدا يحاول يصلح الامور مشان يضل المنتدى عمران باهلو ........
ماكل ماتنين تناقروا ياهاد يروح ياهداك يروح حلو اموركون الشخصية لحالكون ..
هي انا في كذا واحد تناقرت معو واحيانا تكبر الشغلة بيناتنا بس يااما كنا نصير حباب وصحاب وعين الله علينا يااما كل واحد والو موقفو.....بس هاد مابيعني اني والله اترك المنتدى كرمالو وماالي عين شوفو ومابعرف شو.....اي شو هالولدنة....
وبتمنا من الكل انو يحترمو بعضون ان كان قديم ولا جديد وعدم الاستهزاء باراء التانين....
وتحياتي لكل شخص باخوية على امل انو نضل باخوية ونكون متفاهمين ......
واذا شي حدا بدو يزعل من هالحكي....عامهلو ليرضا.....بس انا قصدي الحد من هالشغلة الي كل يوم بيطلعلنا واحد جديد غالي علينا وعاكم شخص....وبيعمل شلشة وهيصة....
وخلص انا قررت روح وماعاد ارجع ورجاءا ماحدا يحاول......
