[emadiab]

اضحك براحتك يا عاشق من فلسطين
احب اعرفك ان القرآن مش كتاب سياسي و الإسلام مش ايدلوجية حتقعدلها كام سنة وبعد كده حتبقى انتيكة نتندر عليها زى الشيوعية مثلا كفاية ان اوروبا اتضطرت تبعد الدين عن الحكم عشان تنهض و تتقدم لكن المسلمين على النقيش تماما ابعد الدين عن الحياة و اركنه فى الجامع و هات شيوخ زى طنطاوى شيخ الأزهر بتاع الحكومة و قول دع مالله لله و مالقيصر لقيصر واتفرج على الوضع الحالى
لاحظ معايا ان اغلب الإنجازات اللى قدمها المسلمين كانت ايام الخلافة سواء كانت اموية او عباسية
لكن قولك بإن الإسلام نواته السيف هو تزييف للحقيقة وتجاهل تام للطريقة التى انتشر بها الإسلام فى اماكن كتيرة عندك مثلا فتح مكة القتال اللى دار فيه كان بين خالد بن الوليد و بعض رجال قريش والنبى صلى الله عليه وسلم عاتبه على انه قاتل رجال قريش برغم انهم كانوا مسلحين لكن النبى صلى الله عليه وسلم فضل ان يدخلها سلما
فتح بيت المقدس
ليه المسلمين مقتلوش رجال الدين المسيحى ليه محرقوش كنائس المسيحيين و دور العبادة ليه عمر بن الخطاب رفض الدعوة لصلاة العصر فى الكنيسة
و ممكن تقوللى ازاى الإسلام انتشر فى جنوب شرق آسيا
يارب قراءاتك ال100 فى التاريخ الإسلامى تسعفك

ردا على كلام الأخت حنان
قارنى حال العرب قبل الإسلام و حالهم بعد الإسلام بعشرين سنة و انتى تعرفى المظاهر الحضارية للإسلام
و سؤال صغير ليكى
لو حب العرب قبل الإسلام انهم يكونوا وحدة حضارية واحدة تفتكرى كان لازم يعملوا ايه
انا طبعا بعتمد على معرفتك الواسعة بالتاريخ وثقافتك واطلاعك و معرفتك بالمراحل التى تمر بها الحضارات عادة
ثانيا احتكاك المسلمين الأول لم يكن بالغرب بل كان فى الشمال و الظروف هى اللى اضطرت المسلمين للحرب مواجهة لمحاولات الروم لسحق المسلمين قبل ان يعظم شأنهم
و احب انك تلاحظى ان المسلميتن اسسوا علوم جديدة زى علم العمران البشرى و لهم اسهامات عظيمة اعتمد عليها الغرب زى اسهاماتهم فى الجغرافيا
و ياريت تروحى مشوار صغير لمكتبة الكونجرس فى واشنطن و تقرى المتكوب على سقف قاعة الإطلاع لو بتتعبى من النظر لشئ فوق متقدريش تستوعبيه حبقى اقولك ايه المكتوب
ثالثا العمارة الإسلامية ليها طابعها الخاص و المختلف تماما عن العمارة اليونانية والرومانية
ممكن تقوليلى ايه وجه الشبه بين تصميم الجامع الأموى فى دمشق و العمارة اليونانية و الرومانية
اتمنى ان دراستك التاريخية تقدر تجاوبك على اسئلتى