أول شي ... ميرسي كتير الك ابو الهن على هالموضوع الحلو
تاني شي ... لنحكي شي قصة - من القصصصصصص - اللي صارت معنا ...
اي ... هلأ تذكرت موقف صار معي من فترة قريبة مع اختي ....
هاد يا سيدي يمكن انت بتعرف انه وقت اللي بتكون اختي عم تدرس بالاوضة وانا قاعدة عالنت ... بتتضايق من صوت الطباعة عالكيبورد .. هاد غير وقت كون حاطّة المايك .. وعم سمعكم صوتي الحلو
بتصير المضايقة ضعف
..بتقوم بتطالعني برّا الاوضة ...
المهم ... مرة كنت عالنت وهيي عم تبطّخ تدرس
قام انزعجت مني وطالعتني .. رحت انا اخدت اللاب توب وفصلت المايك من الكمبيوتر الاساسي .. ورحت لاوضة تانية ... لهون تمام ؟!
اي .. بعد كم يوم .. اجيت بدي المايك .. ما لقيتو .. دوّرت حوالي الكمبيوتر ونكتت الدنيا .. وما التقى معي !!! سألت اخواتي .. قالولي انتي اللي بتشيليه دايما !! .. قلتلهم ايييه بس بعدين برجعو لمحلّوووو ...
المهم .. ضل ضايع شي اسبوع .. وطبعا بهالاسبوع .. انا ذليتهم بقصة ( انتو اللي ضيعتوه .. وانتو اللي بدكم تلاقوه .. انا مالي علاقة ..انا دايما برجعو لمحلّو ) .. لااااء وكمان اتهمت اختي الصغيرة انو شايلتو ونسيانة.. لانه معروف عنها انه بتضيّع كتير
.. وخلص انا اقتنعت انه هيي ومافي مجال للشك ...
وووبعد اسبوع ... كنت نايمة بامان الله .. بتجي اختي بتفيقني وهيي معصبة مني
... ومعها المايك ... قالتلي احزري وين لقيتو ؟!
طلع ............ ما رح قول !!
.. ببقى بخبرك بعدين هاني - منعاً للفضايح -
بس انو .. مو كل الحق كان عليّ .. جزء منّو كان بسبب الـ ...... عرفت شلون !؟
=========
آخر شغلة بدي قولها ... بدّي الكل يشارك ويقول شي موقف صار معو ..
مو تخلوني احكي لحالي !!!
ايواااااااااااااا
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...