اقتباس:
|
كاتب النص الأصلي : عاشق من فلسطين
أود أن أطرح شؤال ..
لماذا الدين الاسلامي يرغب دائما" في أن يحتكر النهضة والتطور و الانسانية وأن تجتمع جميع الأديان والعقائد والاتجاهات الفكرية تحت ظله ..
لماذا الدول الاسلامية هي آخر الدول تصنيفا" في كل شيء منذ سقوط حضارة الاندلس وحتى الآن ومع ذلك تصر على أن الاسلام هو السبيل الوحيد للتطور..؟؟؟؟!!!!!.
 |
والله انا اتفق معك بهذا الموضوع 100%
بحكم اني عربي .. فانا بصالحي ان يكون للدين الإسلامي شأن عظيم (بغد النظر تماما عن ديني او معتقدي)
لكن العرب محسوبين جمعا على الإسلام ..
بالتالي بحكم اني عربي فبتمنى للاسلام كدين كل خير لاني هيك هيك محسوب عليهم (كعربي)
لكن للاسف وبكل حياد ايضا لا ارى بالإسلام كدين (سواء ان طبقنا الشريعة والدين بحزافيره او سواء ان كان بالتحريفات او التعديلات والتطويرات المطبقة عليه ..) لا ارى بالإسلام كدين بيئة مناسبة لنمو وتطوير مجتمع بشكل سليم او ممكن خلينا انقول "بيئة مناسبة لنهضة امة "
طبعا كلامي لا يعني اني ارى بغير اديان هذا لكن نسبيا ممكن اتكون بعض الأديان الاخرى سواء بتطبيقها او باصولها اسهل وملائمة اكتر لنهضة الإمم الخ ..
ما بحب قول خلونا ناخد الغرب مثال .. لاني ما بعتبر الغرب مثال يحتزى به ..
لكل شعب تجربته الخاصة وما بيصير اقتباس تجربة الاخرين ولبسها ..
فتجربة الشعوب ليست بنطلون .. اذا لبسناه منصير متلون ..
متل ما ايضا اذا شربنا كوكاكولا واذا نادينا بالحرية ووقفنا بنص الشارع وسبينا الرئيس والحكومة بدون ما حدى يكينا شي .. ما يعني ابدا انو خلص تاني يوم رح بيصير عنا او بالإصح رح ينبع من عنا شركات عملاقة متل جوجل وياهو ومايكروسوفت ...
بس اذا عشنا تجربتنا الخاصة وقدرنا بطريقة صحيحة انطورها بدون ما نلبس شي مو مفصل على مقاسنا ..
كتير كتير في احتمال انو يعني .. نتطور..
هون بيجوز اقدر اطرح مثال ايران مثلا..
طبعا على الرغم من كل سيئاتها الخ .. انا ما بقارنها بسويسرا ..
بس بقدر قول انو بتجربتهم الخاصة قدرو يوصلو لنسبة عالية من الديمقراطية .. لنسبة عاليا من الرفاهية الإجتماعية.. لنسبة عالية من التقدم والتكنولوجيا .. وعلى جميع الأصعدة كمان ..
بس بيجوز احد اهم الأسباب هون انو ما لبسو تياب غيرهم وفصلو تيابون على مقاسون وعلى قد كروشون ..
برجع لنقطة الدين هون بحب نوه انو المستقبل بيجوز ما كتير مظلم (والكلام موجه للناس الي بيعتقدو انو الإسلام كدين قد يكون احد اكبر العثرات والطامات بوجه التقدم الإجتماعي والإقتصادي والتكنولوجي ..)
بحب قول انو مو صح هال الحكي لسبب
اذا بتراقب احصائات الدول الغربية لتوزع الأديان فيها بتنصدم ..
كنت من كام يوم اتفشكلت باحصائية بتقول بعام ال80 كان اجمالي المسلميين بفرنسا 2-3%
اليوم صارو حوالي 15%..
يعني هيك وعلى هال المنوال بيجوز بعد كام سنة يصيرو 40-50% من الدول الغربية ..
وعاد هون يا اما بيأثرو سلبا بالبلاد الي عايشين فيها (اذا فرضنا جدلا انو الإسلام كدين طامة بوجه التقدم)
وبالتالي بوقفو ساعة التقدم في تلك البلدان على بين ما انكون احنا لحقنا ليهم ..
يا اما بيتأثرو ايجابا وبينقلو تاثرهم الإيجابي لدولهم ومجتمعاتهم .. وايضا بهذا بيكون سرعنا عجلة التطور عنا ..
يعني اتفائلو خير ..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !