مرحبا يا صبايا ويا شباب ...
بما أنو بطولة أوربة للأندية الأبطال رح ترجع تنطلق من جديد وبما أنو رح تكون ولعانة فحبيت تكون ولعانة عنّا كما ...
يعني حابب أطرح فكرة لعبة رياضية بتتعلق بهالبطولة يعني بتنتهي اللعبة مع نهاية المباراة النهائية وتسليم الكأس.. والفكرة
بتقول :
على من يرغب بالإشتراك في هذه اللعبة أن يتوقع النتائج الكاملة لمباريات الأسبوع من هذه البطولة يعني مثلاً نحنا حالياً بدور الـ 16 وأنا حابب أشترك فبكتب أسماء كل ناديين رح يلعبو مع بعضن وبكتب بعد الإسمين النتيجة اللي متوقعها .. يعني مثلاً بكتب
برشلونة - تشيلسي : 2-0
هلأ الشغلة التاني أنو لجمع عدد أكبر من النقاط بقدر أتوقع مع نتيجة مباراة الذهاب من كل دور اسم النادي اللي رح يتأهل للدور اللي بعدو يعني لنرجع للمثال السابق
برشلونة - تشيلسي : 2-0 النادي المتأهل هو برشلونة
وهاد التوقع بيكون لمرة وحدة يعني اذا توقعت بالذهاب نادي وقررت أنو غير بالإياب ما بيمشي الحال أو حتى إذا ما توقعت بالذهاب فما بقدر أتوقع بالإياب ...
قوانين اللعبة:
1-يحق لكل مشترك توقع واحد في الأسبوع .
2-يفتح باب التوقعات بعد انتهاء جميع مباريات الأسبوع الجاري من كل دور وحتى الساعة التاسعة (بتوقيت دمشق لأنو المباريات تقام الساعة 10 إلاّ ربع) من اليوم الذي ستقام فيه مباراة الأسبوع التالي .
3-(أكرر) يسمح بتوقع اسم النادي المتأهل من كل مباراة في كل دور مع نتيجة مباراة الذهاب حصراً .
طريقة حساب النقاط :
1-من يتوقع النتيجة كاملة يأخذ ثلاث نقاط ومن يتوقع نتيجة جزئية يأخذ نقطة واحدة .
يعني مثلاً توقعت برشلونة - تشيلسي : 2-0 وهيك خلصت المباراة فهاي تعد النتيجة الكاملة أما النتيجة الجزئية أنو يربح برشلونة بس بغير نتيجة .
2-من يتوقع اسم النادي المتأهل يأخذ 3 نقاط .
وهاد كل شي .. وياريت كل واحد عندو استفسار أو اقتراح يخبرنا ..
تحياتي
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ...