اقتباس:
|
كاتب النص الأصلي : fady juventus
أنا حاسس إنكن التلاتة بعيدين كتير عن الجو
وين طنشتو الفساد اللي نخر عظم الدولة
قوام بدنا ننط على كل الحواجز لنوقف مع الرئيس
أنا ماني ضد هالكلام
بس الرئيس شو عمل للبواليع والحيتان؟؟؟؟ ولا شي لللأسف 
عنا ما يقرب من مليون فاسد فاسق عطيني قيادة تقدر تضبطن لكون معها إيد بإيد. |
يا عيني نحن ما طنشنا الفساد بس رفضنا اطلاق الاحكام المسبقة بواسطة حرية الرأي اللي
وهبنا (وعم حط سطر تحت وهبنا) ياها الرئيس.
عم تسألني شو عمل أنا بقلك انو عمل راجع حالك من 5 سنيين لهلأ بتعرف بس نحن بنشوف اللي لسا ناقصنا وما بنشوف اللي تحقق
طيب أنا رح قلك مثال كيف ممكن نساعد الرئيس:
على فرض عندك معاملة بأي دائرة كانت في الدولة وطلب منك الموظف اكرامية انت على على استعداد انك ما تعطيه هي الاكرامية وتقوله (فشرت) للأسف لأ وأغلب الناس نفس الشي.
أنا برأيي بنكون عم نساعد الرئيس لما بنقول لهدا المرتشي لأ وهيك قصد الأخ بموضوع انطلق من نفسك.
بعدين يا جماعة ما في بلد صارت بدون تضحيات ولو على اي صعيد فخلونا نضحي شوي معليش كرمال سورية اللي كلنا بنحبها.