[Hus]

انا رأيي غير هيك ..
انا ما بعتقد باي حال من الأحوال انو لسوريا اي يد بالموضوع حاليا وبظل الحكومة الجديدة وخلافو ...

بس بنقطة الإغتيالات وتاريخ سوريا في التصفيات فانا صراحة القول مع سوريا بهال التوجه بشكل كامل ..
هلق لو بتاخد الموضوع على محمل شخصي بشري بحت ..
اكيد الموضوع غير مقبلو ولا يتوافق والقوانين والأعراف الدولية باي حال ولا مع اي شريعة ..

لكن هذا الواقع الحقيقي ..
يعني امريكا بتتبع اسلوب الإغتيالات بالتصفيات , بريطانيا فرنسا موسكو ..
كل الدول من الصغير للكبير بتتبع هذا الإسلوب ..

وهذا مو غلط برأيي ابدا ..
يعني واحد متل جنبلاط مثلا ..
هذا هلق لحالو وشوية الولاد الي معو رح يعملو بلبلة طويلة عريضة بلبنان الها اول مالها اخر ..
وممكن يفضي الأمر بحرب طائفية اهلية جديدة بلبنان وهذا ليس كلام نظري هذا واقع فعلي ممكن يحصل ..
طب بالله العظيم هيك واحد
بالحكي ما بيفهم..
بشد الإدن ما بيفهم ..
شو منتركو يوصل لبنان لحرب اهلية ..
يعني هل من المعقول نترك بلد كاملة توصل لحرب اهلية منشان واحد عاطفي مندفع بدون تفكير ..

بهيك حالة مثلا انا مع الإغتيالات كحل اخير ...
لانك باغتيال شخص بتنقذ بلد من مجازر كاملة ..

معلشي خلينا واقعيين وبلا شوية الانفعالات الي بتاخدنا وبتجيبنا وشوية المبادئ النظرية الي ما بتنفع على ارض الواقع الي متل ما بيصير قتل الأشخاص وهال الحكي الي منحكيه بدون ما ننظر ابعد من مدى صوتنا .. الرؤية المنطقية غير هيك ..

بالمناسبة الإغتيالات وسياسة حرب العصابات سياسة متبعة عالميا بين الحكومات وغيرها وعلى كل الأصعدة ..


-----------
اما رأي باغتيال الحريير بشكل مباشر
فبقد قلك ما نو سوريا لعدد اسباب..
طبعا سوريا متضرر ومستفيد باطنيا ..
بس القصة غير ..
لو كان سوريا بدها موت الحريري كان فيها اتنفزه بطريقة غير هال الطريقة ..
يعني قصدي لو بدها سوريا يموت الحريري لانو عم يشكل عقبة لها ..
اي فيها تسممه فيها تغتاله بطريقة اقل دموية من هاي بكثيييييير

لكن طريقة الإغتيال هاي ارى بها هدفين
الأول احداث ضجة على اعلى المستويات وببلبلة على اعلى المستويات .. والي هي هال الإنفجار الكبير
وثانية تصفية الحريري بشكل شخصي ..

اما لو سوريا حبت تغتال الحريري
كان الأنسب لها موت الحريري بدون ضجة .. وبدون تفجيرات
يعني على الساكت .. سواء كان تسميم او اختطاف او او ..