الكل بدو يفرض رأيو ...
يعني اللي بيحتفل .. بيقول عن اللي ما بيحتفل معقد ومتخلف وهيك قصص
واللي ما بيحتفل عم يزاود دينيا على اللي بيحتفل..
اللي فهمتوا ...
منك أخ أنا مسلم ... أنو عندك تساؤلين الأول أنو ليش بنحتفل والتاني وليش يوم واحد ؟؟
أنا رأيي أنو منحتفل لأنو فرصة كتير مهمة لنعبر للأشخاص أنو أنا بحبون أنو هنن مهمين في حياتي وأنو أنا ما نسيانون ...
وقت شفت امبارح الناس معبوطين وكل الناس حاملة هدايا بالشوارع .. فكرت لو كل هالقد في ناس بتحب بعضا .... عن جد بتكون الحياة تستحق ان تعاش ..
ليش .. هاليوم
لأنو السنة مزدحمة مناسبات والحياة مليانة هموم ومشاكل وقصص ... ولأنو في ناس ما بتقدر تعبر عن مشاعرا .. ولأنو ناس.. ما بتعرف أنو في ناس بتحبا ... وناس نسيت من زمان قديش مهم أنو تحسس اللي حواليا أنو بتحبون ... لو بتقدر يكون كل يوم بحياتك رغم هالازدحام والمشاغل هوي عيد حب انا بحسدك وبرفعلك الشابو وبهديك
هالعيد انوجد بالعجقة كلا .. مشان بالنهاية الشخص يحس انو هوي محبوب وأنو يعبر عن حبو لغيرو
وهادا مفهوم انساني بيعببر عن الحاجة للحب .. مانا دينية .. أنسانية
انت مو حابب تعيد حريتك ... بس ما بأمكانك تجي وتعمم وتصدر فتاوي بهالشأن لأنو بتكون انتقصت من حريتي
وبيزعجني شي .. بالردود بشكل عام أنو بيستخدم مصطلح غلط والكل بيكمل فيو .. شو يعني عيد مسيحي ؟؟؟
هو عيد بتقر فيو الكنيسة ... وفلانتاين مانو عيد كنسي .. فوقفوا استخدام مصطلع عيد مسيحي ..بس المشكلة أنو نحنا العرب منفهم العالم من ضمن معادلة وحدة
عالم غربي = مسيحين
عالم عربي= أسلام
وكأنو ما في مليون طيف بين هاللونين ...؟؟؟
كريمو يا كريمو ... آرائك يمكن من أكتر الأراء اللي بوقف عندا وبعمل محطة تفكير ... لكنها دائما تأتي في قالب أقسى من اللازم ... ... مما بيفقدا شوي من بريقها