[krimbow]

كاتب النص الأصلي : zen

انا بعتبر الي بيفكر متللك مع احترامي عقلوا ناقص
يعني انا ما بحب امي بس بيوم الام
لاء
ب عيد الام هو يوم لكل العالم يقول لأمون انو نحنا منحبكون ويشكرن بشي يوم
يعني انا بحب امي بكل الايام وبعيد الام بحتفل فيها بشكل تاني
وبالنسبة لعيد الحب كمان نفس الشي
سلم على قطنا

والله يا زين خليها لربك
لك يا زلمة بحكي بالشرق بيجاوب بالغرب
بقللو "هاد عيد" مو ضروري يكون في افادة
بيقلي "هل يحتاج"
يا اخي ما بيحتاج
كلنا منحب امهاتنا ... و زيادة الخير خير و عملنا عيد للام، شو صار يعني ؟ كفرنا ؟؟؟
مشان ازا واحد مسافر بهاليوم يتصل يقول لأمو "بحبك"
مشان ازا واحد متجوز و مضروب على قلبو و ساكن بغير بيت بهاليوم بيقللها "بحبك يا ماما"
في كتير ناس لسبب او لآخر متخانقين مع اهاليهم ... شو عليه ازا بهاليوم حلوا خلافاتهم ؟؟؟
كتير ناس بتبوس ايد امهاتها ع الطالعة و ع النازلة
شو المانع ازا بـ 21 ادار كانت "بحبك" مميزة شوي .؟؟؟

بعدين بقللو حاكنين بالعقل بيقللي "ما بقدر.. بدك بحاكيك بالدين"
ليش الدين ما بيقبل الحكي العقلاني ؟؟؟

انا مثلا مبارح ما عيدت بالفالانتاين
بس هالشي مو معناتو انو حرام... مو معناتو انو ما قول "هابي فالانتاين" للمعيدين

هدول الناس يا زين خطر على مجتمعاتنا
سوس بينخر حضارتنا
بيستغلوا الدين و بيعتبروا حالهم اوصياء عليه و على الله، علما انو ما بيمتوا للدين و لالله بصلة، و الدين و الله منهم و من تصرفاتهم براء
و الالعن انو بيحتكروه الهم وحدهم، و الدليل انو هنن بس الاتقياء و غيرهم دايما كفار
وحدوا ربكم يا جماعة ،.... كلنا ولاد تسعة
مشان هيك دايما بقول عنهم نصابين
المشكلة انو من خلال تظاهرهم بالتدين بيخدعوا كتير ناس بسطا، و لما بيواجهوا ناس واعيين متلك بتلاقيهم بيلجأوا للتكفير ... و بعدها للغدر باسم الدين


اكتر شي ضحكني لما قللي "لو فيو خير هالعيد كان الاقدمين اعتمدوه"
قال يعني هنن كانوا اعتمدوا الكومبيوتر، واللا الطيارة، و اللا التلفون و اللا غيرو و اللا غيرو ..

في حكمة بتقول "سبحان الذي سخر لنا هذا و ما كنا له بمقرنين"
مين يللي سخر الكومبيوتر مثلا ؟؟؟ الله ؟؟؟
فقنا من النوم لقينا عم تمطر كومبيوترات ؟؟
و اللا العقل هوي يللي سخر الكومبيوتر ؟؟؟

الحمد للعقل على نعمة الله