أخوية - عرض مشاركة واحدة

**krimbow** · 12/02/2006

يا جماعة شكلو مخي مسكر هاليومين
ما عم افهم عليكم

حدا يفهمني شو علاقة انو الاكراد برا زعران بقضية تجنيسهم ؟؟؟
اصلا مين عم يحكي عن الاكراد يللي عايشين برات سوريا ؟؟؟
بعدين من ايمت كان في بقوانين الجنسية السورية انو والله الواحد لازم يكون آدمي و ماشي الحيط الحيط ؟؟؟

القصة و ما فيها انو في مليون كردي (و مليون واحد مو اكتر حسب احصائيات رسمية) من أصل اكتر من 25 مليون كردي بالعالم، هالمليون عايشين بسوريا
اجدادهم عاشوا بسوريا
قبور اجدادهم بسوريا
ما عندهم وطن غير هالوطن
انشالله يكون اصلهم من بلاد الواق الواق
و انشالله يكون تاريخهم كلو اسود و ما فيو لا صلاح دين و لا يوسف عظمة

و انشالله يكونوا نسوانهم اشبه بالشامبانزي

هالشي ما بيمنع انهم سوريين
و الجنسية السورية حقهم الطبيعي

اما شغلة انهم حرامية و نصابين و ارزال
في سجون و محاكم و شرطة خصوصي لهيك شي
و الحرامي ازا كان سوري و اللا كردي و اللا زطي ... كلهم محلهم السجن ...

بس بعمري ما سمعت عن حرامي سحبوا منو جنسيتو لأنو سرق