اقتباس:
|
كاتب النص الأصلي : toto77
يبدو ان الطائفية هي التي دعتك لكتابة هذه الكلمات وليست هي فقط ولكن النقص الموجود عندك وعند اغلب الاكراد في هذه البلد
|
أنا ماني طائفي أنت الطائفي للعظم شي أكراد شي فلسطينين شي مسلمين..
اقتباس:
انا لما حكيت حكيت عن بلد مو عن طائفة ولكن كان بين عيوني لما كتبت هي مصلحة البلد
مو اكتر وهذا الشي اللي انت فهمته غلط
|
مصلحة البلد : مصطلح بعثي بجدارة
اقتباس:
|
انا لمعلوماتك حكيت عن الاكراد والفلسطينين وقلت انه لازم يكونو بمعزل عن اي محافظة تابعة لسوريا.. ممكن تسئل حالك ليش انا بحكي هذا الحكي
|
و عم تعيدها ، شو هي الدعوة القروسطوية على رأي فلاسفة الاقتصاد (هاها يعني من القرون الوسطى) ما بتخجل من حالك تطالب بعزل مجموعة من الناس بناء على عرقهم؟؟؟ بس مو الحق عليك الحق على المدارس اللي علمتك و وسائل الإعلام اللي وجهتك ، لك هي جريمة مضاعفة من جرائم حكومتنا ، مو بس افتعلت المشكلة لا و زرعت التفرقة و العنصرية بين الناس مع احتكارها لكل وسائل التعليم و التربية و التشريعية و التنفيذية
اقتباس:
|
انا راح جاوبك لأنه اللي لمسته من خلال معاشرتي للجنسين انهم يكرهو هذه البلاد ومو بس هيك كمان يحقدو عليها وهذا الشي انا سمعته بأذني وما حدا قلي
|
سمعت بأذنك من كام فلسطيني؟ و من كام كردي؟؟ هل رأيهم يعبر عن كل الأكراد السوريين و كل الأكراد الفلسطينيين؟ على أي أساس فكري أو منطقى أو إنساني اطلقت حكم العزل النهائي اللي شكل أقرب إلى أسلوب الأسرائيلين (جدار الفصل العنصري) أصلا الغيتوز (تجمعات كبيرة لأناس ينتمون لأثنية معينة و غالبا ما تكون منبع التطرف و المشاكل بسبب القهر و العنصرية على طريقتك) هي من أخطر المشاكل اللي بتخاف الدول من وجودها (الدول التي تحترم نفسها و تعطي الأولوية لشعوبها
اقتباس:
اننا نقدم لهم ما لا يحلمو فيه من ميزات تكون بالنهاية على حساب ابن البلد الاساسي
وخاصة الفلسطينيين والادلة موجودة
|
النقص لابن البلد ليس على حساب الفلسطينيين و لكن على حساب "الأستاذ" خدام و رفاقه ..
اقتباس:
وياسيدي انا قلت كمان ان القامشلي وتوابعها لاتهمنا جغرافيا فممكن الاكراد يتمتعوا بحكم داخلي
عشائري فيها
|
حتى الحكم الذاتي بتعتقد أنو بيحل المشكلة؟؟ و مثل ما تفضل نسر السريان كل الاقتصاد السوري معتمد على المنطقة الشرقية لأنو مو مثل مو الشباب السعوديين معتقدين أنو موازنتنا معتمدة على السياحة الحقيقة أن ميزان التجارة الخارجية لا تقل مساهمة النفط و القمح فيه عن الـ 70% و تصل في بعض السنوات إلى 90% (و الموضوع أطول من هيك) فإذا كنا بدنا نحكي على مبدأ البراغماتية فقط ، و على نفس طريقة حكمنا فينا نتفهم إذا قام بعض الأكراد بإطلاق عبارات تمدح الأميركان التي هي حقيقة تعبير عن الغضب من الظلم، الأصح هو تشجيع التنوع الثقافي و الإثني و "صهره في البوتقة الوطنية" على مبدأ الشعار البعثي الطنان
اقتباس:
|
وبدي ياك قبل ما تكتب على الناس تتأكد من مشاعر الاكراد بهذه البلد
|
عفوا بس مين قلك أني ما عشت بالبلد؟ و بعدين أنا اختلطت بكثير أكراد و فلسطينية و برجع بقلك العبارات العنصرية تولد مزيد من الكراهية و لا تحل مشكة و إذا عبرت فهي تعبر على النقص في مطلقها لأنه يستمد اعتزازه بنفسه من تحقير الآخرين و تحميلهم مسؤولية فشله أو أوضاعه المزرية.. كما يطلقها المزاودين و الوصوليين الدنيئين من السياسيين
سلامة