[الأستاذ]

آسف جو حكيك تلت رباعو غلط

العذرواية هي رمز عميق على الخصوبة

مو صحيح هاد الكلام
و إذا عندك مرجع بأيد هاد الكلام يا ريت تذكرو

فسمحولي قول إنها طبعا مانا عذراء... لانه الحبل بيتم بطريقة وحدة منعرفها جميعا و الطفل المولود لما يخلق.. حتى لو بشي طريقة غريبة عجيبة ضلت الام عذراء و هاذا مستحيل... فما رح تضل عذراء بعد انت تضع الولد. و نقطة انتهى

هادا أكيد رأيك و رأي الكنيسة بخالفك تماماً
لأنو الكنيسة و بشكل واضح بتحدد الثبات في عذرية مريم قبل و أثناء و بعد الولادة
و بمعنى حرفي كمان

انو المجامع الكنسية الكبيرة المشهورة كانت بسنة 400 و 500 لأنه بعدين صارت الانشقاقات و ما عاد حدى يجتمع مع حدى إلا بالحرب

الانشقاق الكبير (الأورثوذكسي الكاثوليكي) في الكنيسة لم يحصل حتى القرن الحادي عشر

بينما الخلاف تبع مريم العذراء هوي ... بصراحة ما متأكد قبل ام بعد بس صار بسبب نسطور و انفصلوا وقتها الاشوريين عن السوريين السريان

بالحقيقة مافي خلاف على الإيمان المتعلق بمريم بين الأورثوذكس و الكاثوليك بس في قصة عقيدة الحبل بلا دنس يلي فينك تراجع موضوع عنها بمنتدى اللاهوت المسيحي المعاصر
و السريان شي و الآشور شي تاني
يعني كل واحد منون بالأساس مفصول عن التاني قومياً مو مذهبياً
و الآشور هنن كنيسة غير خلقيدونية ( لأنون ما حضرو مجمع خلقيدونيا و ما و قعو على مقرراتو)
و بالحقيقة الكلدان الكاثوليك هنن يلي إنشقوا عن الآشور

البروتستانت وينك وين... هدول نشاؤوا باوروبا نتيجة السيطرة الكاتوليكية و رفضوا كل التقاليد و منها الايمان بعذرية مريم العذراء لانهم بياخدوا بس كلام الانجيل الحرفي و فقط الانجيل يعني بيرفضوا كل التشريع الكنسي

البروتستانت ما بيرفضو عذرية مريم بل بقولو أنها بعد ولادة المسيح كملت حياتها بشكل عادي و أنجبت أولاد من يوسف
و حركة الإحتجاج المسيحية المسماة البروتستانت(المحتجين) هيي إجت بالبداية كرد على ممارسات البابوات الكاثوليك الخاطئة و تحولت بعدين لتشكل المذهب التالت بالمسيحية و هيي بكل أسف بعدت عن المذهبين الرئيسيين أكتر من بعدون هنن عن بعض
و المشكلة بالبروتستانت هيي أنو ما في عندون مرجع واحد كبير
يعني في عندون كتير طوايف و عم تتشكل كل يوم طوايف جديدة
مثلاً عنا بحمص في الكنيسة الإنجيلية المشيخية، و هنن جماعة مرتبين كتير و أفكارون معقولة
و عنا كمان الكنيسة المعمدانية و ما عندي فكرة أبداً عنون
بس بأميركا وحدا في أكتر من 2000 طائفة بروتستانتية منها متل ما ذكر جو طوايف متطرفة و متصهينة أحياناً (طبعاً مو الكل)
إني ويي

المجامع المسكونية أختلفو بشأن مريم العذراء

مو صحيح أبداً
يعني تناقشو بالموضوع شي و إختلفو شي تاني
لأنون بنهاية كل مجمع مسكوني كانو عم يوقعو على مقررات المجمع يعني اتفقو