برافووووووووو عليكم شباب بدكم زقفة والزلقكم نجمة على جبهتكم
من كتر مو معجبة فيكم وبنقاشاتكم
يعني بنكون بنقاش هادف عن موضوع مهم وبيهمنا كلنا كسوريين وبغض النظر عن الطوائف
لنوصل لمهاترات بينكم وبين شباب مسلم ومسيحي
بدل ما المصائب تجمعنا ونكبر عقلنا ونتجاوز اي هدف بدهم الغرب يوصلولو انت بكل رياحة بتسهلو المهمة عليهن
بتقلوبها مسيحي ومسلم ولك واحد يحكي شي شغلى تولعنا ببعض زيادة
ومن امتى احنا بسورية بتفرق بين مسيحي ومسلم
ومن امتى كل واحد بيراقب التاني شو عامل
ومن امتى محلل للمسيحي يتحشر ببنت والمسلم لا
لو كل واحد فينا عرف دينه عن جد ما حدا فيكم بيغلط هيك اغلاط
المسيحي مطلوب منه الادب والاحترام متل مو مطلوب من المسلم
واذا معتبر المسيحي انه المسلم مطلوب منه بلتزم دينه وما بغلط وهو ماله دخل بالدين فهو غلطان
لو رجعنا لاصول كل الاديان بنلاقيها وحدة
ولها هدف واحد هو بنا الاخلاق لنبني مجتمع نضيف
وباخر حجة للرسول قال
عليه الصلاة والسلام انما بعثت لاتمم مكارم الاخلاق
لو حدا عنده شك بكلامي يقوله
وملاحظة
انا مسلمة واقرب انسانة الي هي صديقة مسيحية اكتر من اخت
وما بقر باي مناسبة كون معها ولا هي بتقصر
منها حبيت المسيحيين وهي حبت المسلمين
لانه عرفنا انه فكرنا وهدفنا واحد
يمكن الها طريقتها بممارسة دينها وانا الي طريقتي بس كل واحد بيحترم حرية التاني
كل الاحترام
بتمنى تكونو متلنا لا تنبشو السئ بعلاقاتنا دورو على المنيح وتمسكو فيه
اخلاقك بتعبر عنك شو ما كنت ودينك هو باني اخلاقك
وعلى فكرة
عمرها الكلمات الغير محترمة ما جابت نتيجة هي فقط بتزيد استفزاز وبتزرع كره وحقد اكتر
لو بدك توصل فكرة اختار الفاظك وخليها حلوة بتوصل لقلوب الناس قبل عقلهم
ولكم كل التحيات والسلام
ولي عودة لموضوع السفارة
شكرا