[السورية المشتاقة]

مرحبا ....

من بعد نشر صحف اوروبية لكاريكاتيرات تسخر من الرسول محمد صلى الله عليه وسلم ...
ثار المسلمين واعلنوا المقاطعة للبضائع الدنماركية والنرويجية واحتجوا وتظاهروا ...
ووصلت الامور لاحراق السفارة الدنماركية ببيروت ودمشق والاعتداء على الكنائس والمقدسات المسيحية ...

انا كبنت مسلمة تدايقت كتير من الكاريكاتيرات ...وفكرت كتير برده فعل المسلمين ...
من كل نواحيها ...
لقيت انو المقاطعة ممكن تكون حل مناسب لكنه مارح يطول ...
كلهن كم شهر وبيرجع المسلمين للورباك ولجبنة بوك و للحليب الدنماركي اللذيذ ...
متل لما قاطع العرب اميركا ...

وبالنسبة للمظاهرات كانت شي حلو ...بس لما وصلت الامور لحرق السفارة والاعتداء على المقدسات المسيحية وتجلت الهمجية باكبر صورها ...

ولما حرقت السفارة بدمشق لقيت انو الشعب السوري مازال كما كان ...ثوري ..وثورته بلا طعمه
وكانت اعمال همجية
.................................................. ...........................
بس بعدين خطر ببالي شغلة انو قبل ما يعمل المسلمين كل هالشي ...
قبل ما يشجبوا ويقاطعوا ويحتجوا ...ليش ما يفيقول وينظروا لحالهن ...لوين وصلوا
وباي قاع صاروا !!!!!!!!!!!!!


قبل ما يلوموا الدنمارك عاللي عملوه ليش ما ينظروا للمسلمين اللي ما بيمتوا للاسلام باي صلة ...
المسلمين اللي قتلوا وخربوا ...
مو هدول الي لازم نوقف بوجههن و نوقفهن عند حدهن ..موهدول اللي عم يزرعوا الفتن الطائفية بحرق الكنائس...
مو هنه اللي شوهو صورة المسلمين

الرسام الدنماركي ما بيعرف شي عن اخلاق محمد ..كل اللي بيعرفه هو الفئة الضالة من المسلمين الارهابيين الخونة ....فلا الومه ...الوم المسلمين اللي تاركين هالسرطان من الضالين
يكبر ويستشري اكتر

من السذاجة اننا نحاسب الرسام عاللي عمله ونترك هالفئة من الخونة ...قمة السذاجة

اذا كنا سنحاسب الغرب وننسى انفسنا ....فرح نضل بالقاع

كما قال ابو النسيم

دمتم للتخلف (رح نخلدها لهالمقولة )

سلالالالالالام