[Abo3zo]

كاتب النص الأصلي : بنت اللاذقية

اول شي انا كتير شاكرة ردكن على الموضوع
وعلى فكرة هيك امور بتحصل لاي انسان فينا بس الاغلبية بياخد الامور بالضحك وبانو صدفة لكن متل ما سبق وذكرت التخاطر والروحي و الشعور الباطني موجودين وكتير مهمين بعلم النفس والشاطر هو اللي بيقدر يدرب حالو على هالشغلة لانها نظرية صحيحة مية بالمية وانا لو باكد صحتها اكيد انتو بدكن تقولو مين انا حتى اكد او اجزم معكن حق انا انسانة عادية بس صدقا صارت معي هالحالة كتير و دائما عم تكون مظبوطة راح اعطي مثل
انا هلأ خارج البلد وكتير من الاحيان بحس بانسان وبصير بفكر فيه بلحظة معينة وكأنو حدا نبهني وبصير بحس بلهفة تجاهو طبعا انا عم استعمل كلمة - بحس - كتير لانو الاحساس اهم شي بهالنظرية وبصير بتمنى شوفو او اسمع صوته او اعرف اي شي عنو هون بيكون التخاطر او الشعور الباطني تحرك عندي وبتفاجا بالنتيجة انو الشخص اللي انا عم فكر فيه كان عم بيفكر فيني بنفس اللحظة و بدو يساوي الشي اللي ساويتو انا وهالشخص ممكن يكون امي ولا ابي ولا اختي او رفيقتي ...... وصدقوني اذا راقبتو احساسكن ومشاعركن وتدربت على هالنظرية راح تشوفو انو كتير من السهل نعرف مين عم يفكر فينا بهاللحظة ومع الايام منقدر نحدد نوعية هالمشاعر كمان
تحياتي للكل وشكرا لردودكن

مشكورة لجهودك الحلوة يا بنت اللاذقية

فعلا أنا بأيد كل شي قلتيه .