[شب طفران]

الله يسعدلي أوقات الجميع....

أول شي هي أول مشاركة إلي بهالمنتدى
انشا الله هيك تتقبلونا و نستفيد مع الجميع
و الله المخانقات و المهاترات الدينية أنا ما بحبها...
و بحطك ع راسي إذا بتناقشني بعلم و بموضوعية شو ما كان دينك...

وأنا حابب ناقش مع الشباب فكرة مطروحة أنو ورقة بن نوفل هو مؤلف القرآن بدليل فتور الوحي بعد وفاته..
خلينا نعمل بحث صغير بكتب التاريخ عن هالفكرة
ورح حط المصدر الواردة فيه هالفكرة من صحيح بخاري:

((فانطلقت خديجة به_بمحمد_حتى أتت ورقة بن نوفل بن أسد بن عبد العزى وكان شيخا قد عمي
فقالت له خديجة:يا ابن عم اسمع من ابن أخيك,فقال له ورقة:يا ابن أخي ماذا ترى فأخبره رسول الله"ص" خبر ما رأى فقال له ورقة:هذا الناموس الذي نزل الله على موسى...........................
.................................................. ......
ثم لم يلبث ورقة أن توفي و فتر الوحي))

هذا هو النص الحرفي من صحيح بخاري و السطر المنقط نقاش بين محمد(ص) و ورقة لا يهم كثيرا في موضوعنا و إذا حدا بحب برجع بنزل مكان المنقط.

تحليل السابق:
1) ورقة الأعمى و العجوز الكهل القابع في داره مع سنين عمره التي ناهزت المئة بعيد كل البعد عن آيات التحدي لقريش و الكفار.
2) "فقال له ورقة:يا ابن أخي ماذا ترى" دليل على عدم التواطؤ و عدم معرفة ورقة بما يحدث لمحمد.
3) من المستفيد من تلك المسرحية إذا كان ورقة و محمد و خديجة يشكلون خلية نصب و احتيال؟؟..أما كان الأجدى أن ينتظر ورقة محمد عند الكعبة و يقوم بتلك التغطية الإعلامية أمام الناس.

الأهم: بس كل هالحكي ما بفيد ,شو علاقة موت ورقة بفتور الوحي؟؟؟؟

قبل الإجابة ع هالسؤال لازم نعرف شوية حقائق تاريخية:
*) بدأ الوحي ينزل على محمد(ص) وهو بعمر الأربعين.

*) ورقة أكبر من الرسول(ص) بـ 60 سنة

*) ورقة عاش 103 سنوات وبعض المصادر بتقول
104 سنة مو كتير خلاف

*) انقطاع الوحي دام حوالي عدة أشهر حتى سنتين ع أبعد تقدير

يعني حسب السابق أول نزول للوحي كان محمد 40 سنة و ورقة100 سنة انقطاع الوحي كأبعد تقدير سنتين أي ورقة 102 سنة وسواء عاش ورقة 103 أو 104 الوحي عاد قبل وفاته.

و المؤرخ سواء كان بخاري أو غيره ذكر أحداث جرت بفترة واحدة معطوفة ع بعضها بحرف العطف "واو" و متل ما نو معروف الواو تفيد العطف لا تفيد الترتيب مثل "ثم"

أي انقطاع الوحي حدث قبل وفاة ورقة و تم ربط الحدثين بالواو, ونحن منستخدم هيك تعابير بحياتنا العادية منقول:

فلان راح ع اللادقية و طرطوس, مع أنو بيكون مرق ع طرطوس قبل اللادقية لكن حرف الواو لا يفيد الترتيب.

الشي المذكور ليس اجتهاد شخصي أو اكتشاف الـ2005 ,هالشي كان معروف حتى عند المؤرخين
حيث يقول ابن حجر العسقلاني في شرح صحيح بخاري حول النقطة المذكورة:

"والواو في قوله وفتر الوحي ليست للترتيب فلعل الراوي لم يحفظ لورقة ذكر بعد ذلك في أمر من الأمور فجعل هذه القصة انتهاء أمره لا إلى ما هو واقع"((فتح الباري,ص40))

والذي يؤكد عدم وجود علاقة بين الحدثين ارتباط الآيات بأحداث واقعة و إجابتها لأسئلة مطروحة
فكيف لورقة التنبؤ بما سيحدث مستقبلا؟؟

و بإمكانك دراسة السور قبل الفتور و بعدها لتتأكد من وحدة الأسلوب والصياغة.....

انشا الله ما كون تقلت عليكن...و استرو ما شفتـ... أصدي ما قريتو منا

و أنا محسوب الأكابر