[Geeny]

كاتب النص الأصلي : SABE

إشتهيت الدكاترة يستلمو أي إختراع بالكرة الأرضية وما يطلع بيعمل إدمان و بيسبب العقم و بيعمل أنواع كثيرة من السرطانات و يؤدي إلى الشيخوخة المبكرة و إرهاق للبشرة و شو بيعرفني ياه ..

منشان الله طلعو يا دكاترة من حياتنا .. والله قلبتولنا ياها مقت ..
ويا إنسان (( وخصوصي الواعي )) ما عاد ترد بحياتك ولا على دكتور . حياتك عيشها مبسوط و خلي العلكة بتمك .. و إذا بدك تكب العلكة بالشارع و تاكل عليها مخالفة .. لا معليش بلعها ولا ترد على ولا دكتور إنو بتعمل تلبك معوي .. و كمان هاي قصة العلك الخالي من السكر على أضربين (( بس مسواك منيحة و رخيصة )) ..
أنا بعلك و بدي ضل إعلك , بس كتر العلاك بيخلي العالم بالآخر تتدايق من الواحد وخصوصي إذا ما بيعرف شو عميعلك .. و بهاللحظة أنا عمبعلك و عمبعلك .. بقا لا تأخزونا ..

(( مشان الدكاترة .. عمبمزح حكيم .. والله كنت عمبعلك شوي .. قصدي عمبمزح شوي ))

والله انا معك يا سعيد حكيك صح مرة قال الشوكولا مضرة بالاسنان ومرة تانية حضرت ندوة طبية قال الشوكولا كتير مفيدة للأسنان وما بتعمل تسوس (يا زلمة كل يوم بيطلع دكتور بقول هي الشغلة منيحة وتاني يوم بكذبو هالشي) انو انخوتنا مشان هيك قررت متلك عيش حياتي كلها