لك اروع شي الياس كرم
وهاي شي تاني الو
تكرم عيونك
انا بحبك حب :
انا بحبك بحبك حب مش مالوف
لا بينحكى ولا بينوصف بحروف
وقديش مرو ع الدهر عشاق
متل حبي الدهر ما بيشوف
وانتي معي بشرد بعينيكي
وقلبي الشقي يرقص حواليكي
ومن كتر خوفي وغيرتي عليكي
بجند رموشي للحماي سيوف
وقديش مرو ع الدهر عشاق
متل حبي الدهر ما بيشوف
وبسهر وغنيلك مواويلي
وضوي على دروبك قناديلي
ولما عليي بشعرك تميلي
حس العطر عالكون عم يطوف
وقديش مرو ع الدهر عشاق
متل حبي الدهر ما بيشوف
وبنده بعتم الليل تتعودي
وبقلك تقطع وتر عودي
ضلي معي ع طول موجودة
ما زال نحنا ع الحياة ضيوف
حبك عطاني جناح حتى طير
قلبك عمل معروف حبني كتير
يما غمريني وشو ما صار يصير
يما قتليني قتليني وكملي المعروف
وقديش مرو ع الدهر عشاق
متل حبي الدهر ما بيشوف
تهرب يا قلبي :
تهرب يا قلبي تهرب
من الحلوين ولا تتعب
على طول العاشق خسران
اسال اللي قبلك جرب
بدي منك قاسي تكون
ما شوفك مرة مفتون
اللي كان بليلى مجنون
قضى عمرو يتعذب
على طول العاشق خسران
اسال اللي قبلك جرب
خلي كل سنينك عيد
لا احلام ولا مواعيد
غني للحب من بعيد
اصحى منو تتقرب
على طول العاشق خسران
اسال اللي قبلك جرب
هيدا احوال العشاق
حيرة وجنون واشواق
ساعة ملقى وشهر فراق
وحدو الما حب بيكسب
على طول العاشق خسران
اسال اللي قبلك جرب