أول شي مشكورين شباب على التّفاعل مع الموضوع و مشكورين على الرّدود الحلوة 
هلأ حسّيت من الرّدود أنكون يمكن تحسستوا من كلمة
أدمان بس أنّو هالكلمة مانها كلمة بشعة ...يعني مزبوط أوّل ما بيسمع فيها الواحد بيخطر ع بالو الأدمان ع المخدّرات أو الكحول أو غيرو
ههههه
بس هون الكلمة عربية فصحى (( يعني أنسان أدمن على شئ )) كرّر عملاً ما
هلأّ المقصد من الموضوع و زبدتو أنّو يكون استخدام الأنترنت مقتصر على أيجابيّاتو فقط يعني تكون استخداماتو بالأغراض السلمية
هههههه يعني تكون استخداماتو للفائدة فقط و كل شي بهالحياة ألو أيجابيّات و سلبيّات و الأنترنت بالذّات داخل بحياة كل شخص فينا بقوّة و ما منقدر نقعد من دونو ... بس ما يتحوّل هالاستخدام لشي ذو مفعول عكسي (( سلبي )) يأثّر على حياتنا وعلى قراراتنا و غيروا ...
هلأّ برأيي فينا نعرف أيجابيّات أي عمل من الهدف اللّي بدّنا نتوصّلو بهالعمل
مثلاً ممكن من أيجابيّات استعمال الانترنت بمجال التخصص أوتنمية الهوايات و بمجال المعلومات و الأخبار و هون بيكون في أختصار للوقت بشكل جميل و متلي أنا مثلاً محاضراتي بسحبها من الأنترنت من موقع الجّامعة باعتبار دراستي عن بعد ... كمان أذا كان في شي برنامج مانو متوفّر بالأسواق ممكن سحبوا ع الأنترنت أو بمجال الترفيه والتسلية ممكن تحميل بعض الأغاني غير المتوافرة بالأسواق ... أيضاً ممكن التواصل مع الأهل و الأقارب أذا في شي حدا منكون ألهون ناس بعيدين عنهون هون بكون الأنترنت أسرع و أرخص وسيلة للتواصل و بشكل مباشر .... يعني أنا أحياناً زملائي بالعمل ورفقاتي بحكي معهون ع المسنجر بكون ما صرلي ساعة تاركون هههههه يعني هون بتصير متل عملية تواصل ممكن تضفي ع الأنسان نوع من النّشاط و التّسلية و بنفس الوقت شي مفيد بيعطي الأنسان اندفاع بحياتو .... هون منحكي كمان عن موقع أخويّة اللّي هوي موقع أيجابي والهدف منّو المشاركة و أيضاً الحصول على معلومات و الاستفادة و التسلية و التّواصل مع المحيط و بالعكس الدّخول ع أخويّة مو أدمان (( ونعم الحشيش والله
)) بس عدم الأكثار من التّعاطي يعني (( قليل منه يفرح القلب ))
يعني بالمختصر تنظيم الوقت .... و مايكون متعارض مع الأعمال الأخرى ... والمشاركة بشي مفيد أو مسلّي ....
آسف أذا طوّلت عليكون
بتمنّى من كل واحد يناقش و يشير ل أيجابيّات وسلبيّات الأنترنت و يعطينا من أفكارو