[anakonda]

الحب مع أنو شيء اساسي للحياة بس ما هو كل الحياة ...
الحب لوحدو ما بيكفي و ممكن ما يبني أحيانا ..بالعكس ممكن يدهور ....
طبعا رح تسال ليش ؟؟؟ بسيطة .. لأن الحب عادة يوقف العقل عن العمل أو بالأحرى بيوظف العقل لمصلحة اللي بتحبو ..مع عدم إدراكك أنو هالشخص اللي بتحبو بيستحق حبك أو لأ
يوجد قاعدة فلسفية شهيرة بتقول :الإنسان يرى فيمن يحب أنه مثل أعلى ,
و يرى فيمن يكره أنه شيطان رجيم.
و هادا الشيء اللي عم يحصل بمجتمعنا حاليا ..و هو طبعا غلط ... و سبب أساسي لتدمير الكثير من الاحلام و الآمال للناس اللي بتعتقد ان كل قصة حب بيعيشوها هي روميو و جولييت ....أو عالأقل لازم توصل لمرحلة روميو و جولييت ...مع تناسي أن روميو و جولييت شخصيتين خرافيتين و غير حقيقيين و لو كانو على ارض الواقع لما كانت قصتهم هيك
حلو الإنسان يحب ....بس بعقل ..فكر قبل ما تحب ..صدقني ...الحب الحقيقي و الناجح هو الحب اللي بيبتدي و يتكون و يتشكل بالعقل قبل ما يوصل للقلب و بيستمر بالعقل مهما طالت المدة ..بعدها يكون بالقلب ...مو مشكلة ...بيكفيك انك واعي لهادا الحب و بتعرف شو التصور اللي ممكن يتكون نتيجة قصة هالحب ....و لما تعرف شو هي النتيجة و تقررها و تتأكد أنها رح تتحقق ...ساعتها حب بقلبك ....مع عدم تناسي عقلك ...خلي عقلك هو الضابط لتصرفاتك و خلي قلبك للحب و بس..و ضحي ... و حارب و قاوم ....لأنك عرفان شو الهدف و شو موجود بداخل هالهدف و شو اللي بدو يكون بعد الوصول للهدف
مشان هيك منلاقي أن حالات الارتباط أو الزواج اللي عم تحصل بايامنا بعد قصص الحب سواء كانت طويلة أو قصيرة عم تنتهي نهاية محزنة ....و بعض الأحيان ...مفجعة
الحب مو كلمة بحبك
او تعطي كل شيء للي بتحبو لمجرد تصورك أنو بيستاهل كل شي
الحب أنك تحافظ على اللي بتحبو مع عدم إهدارك لذاتك
حبيبي مو بس حبيبي ....حبيبي هو أنا و حبيبي
و إلا .......