[krimbow]

مرحبا مينيمي

يظهر في سوء تفاهم كبير حاصل

أنا أسف لأني تعبتك في صياغة الرد الطويل ..

لا العفو ... بس انت ما دخلك بالرد الطويل و لو انو موجه لألك
الفكرة انو هاد النوع من الديباجة كان سائد بالقرن التاسع عشر بين المثقفين العرب، و بهاليومين عم اقرا رواية جديدة لامين معلوف اسمها "بدايات" بتتحدث عن هالنوع من الرسايل و شكلي متأثر فيها ... كل ما هنالك انو حبيت جرب ازا بيطلع معي هيك ديباجة، و شوف اديش كانوا بيتعذبوا بكتابة الرسايل
صدقاً طول الرد ما دخلك فيه انت

تأكد أني قرأتو و انهز بدني ..

ابدا ابدا ما كان قصدي اني هز بدنك ... كل قصدي اني رد عليك باسلوب قديم شوي، و لو انك قريت ما بين السطور كان اكيد توضحلك انو لغة السخرية موجهة لاشخاص تانيين غيرك، ما بعرف ليش كنت متخيل انك رح تفهم عليي مين عم اعني و شو عم اعني
عموما حصل خير و هي وضحتلك انو انت ما دخلك بلغة السخرية يللي كتبت فيها

طبعا لا أعرف شو اللي اقتضى هالمعلقة .. كوني لم أدعي أنو هي قصيدة أو أنو الها دخل بالشعر ..

بظن اني وضحتلك وجهة نظري
بالمناسبة ... حتى لو انت ما عم تقول انها قصيدة ... بس عجبتني شو ما كانت تكون، يمكن جزء من سبب كتابتي للرد بهالديباجة هوي اعجابي بقصيدتك و محاولتي اني اتواصل معك بشيء من الادب يللي قد اتمكن من صياغتو

وحتى تاريخه ما بعرف شو اللي زاعجك لا بالموضوع ولا بطلبي اعادت الموضوع التافه الى المنبر ..

اكيد ما رح تعرف شو يللي زاعجني ... لأنو اصلا ما في شي زاعجني ... اللهم قرارك الاخير

ما في داعي أنك تعذب حالك بالرد لأنو هي أخر مرة رح فوت على الأخوية. الله يسمحلك فيها بالفيها ...

اي خيو .. هون حطنا الجمال ...

هلأ انك تترك الاخوية او ترجعلها هاد قرار انت بتختارو انا ما بتصور انو الي شرف التأثير عليه لا سلبا و لا ايجابا...
كل ما املكه انو خبرك حقيقة مشاعري
في حال قررت تبقى ... تأكد اني رح كون مسرور
و في حال قررت تمشي ... تأكد اني رح ازعل
بس بكل الاحوال ... انا ما دخلني بقرارك لا من قريب و لا من بعيد

عموما يا ريت تراجع هاللينك
http://www.akhawia.net/showpost.php?...0&postcount=14

قبل ما انهي حديثي
هاد النوع من الديباجة يللي كتبت فيه ردي على طلبك بيمتاز بعدة امور
1- كترة العواطف بالموضوع
2- تفخيم المرسل اليه لدرجة التأليه
3- إذلال المرسل لنفسو و تابعيتو للمرسل اليه
4- (يمكن لأنو اغلب المثقفين العرب بهديك الحقبة كانوا ماسونيين) عدم ذكر لفظ الجلالة (الله) تحت اي ظرف من الظروف برسايلهم، مع التدليل بقوة على قدرات الخالق و امتلاكو لمصير المرسل و المرسل اليه

بتمنى منك انك ما تكون نأوزي و ترجع
حاج غلاظة و دلع