[عاشق من فلسطين]

الواقع مر والكل بيعرف الظلم والقهر في البلاد العربية
بس
لا يحق لأي منا أن يتكلم لأننا لا نستحق الحرية ولا نسعى لأجلها
متى انطلقت آخر ثورة عربية؟
متى انطلقت آخر مسيرة ضد نظام عربي؟
إن عارض أحدهم النظام أو عبر عن استيائه فيعتبر شاذاً ولا يلقى أي مؤازرة مع أن الكل في باطنهم يؤدونهم
كلنا جبناء خائفون نريد (السترة) والرغيف فقط
فلا يحق لنا الحديث
في الثمانينات في الصين كانت الديمقراطية معدومة فخرج الناس إلى الشوارع ومعظمهم من الطلاب وواجهوا الدبابات التي أنزلها الجيش إلى المدينة وقاوموا
أما نحن .............................

كلام مظبوط بس لا تعمم لأنو في كتير عالم عم تشتغل وعم ترفض وأنا ماني جبان وأنا مقيم بسوريا وعم أكتب هيك قصائد وعم اعمل أمسيات...وانسجنت شهر مشان قصيدة سابقة بأحد الأمسيات ..واذا عم تحكي الكل جبناء لاتعمم فأنا اذا بتسمحلي أوصف نفسي بالشاعر عم أدي مهمتي على أكمل وجه ومو عم خاف من قول الحقيقة ..وماني داير على السترة والرغيف ...لأنو جوعي أنا جوع للحرية وللوطن الحقيقي..ومانو جوع للرغيف ...واذا كنت بسوريا يا أخ مجمد أنا مستعد من بكرا أطلع معك مظاهرة ...الحكي سهل والتنظير أسهل بس الفعل صعب ..وأنا بعمري ماخفت من شي بالعالم غير عكرامتي ..وخوفي على كرامتي منحني قوة عظيمة ...وخلاني دافع عن نفسي بالأظافر والأسنان ...وأنت حكيتها كل واحد بيسمع متل حكيي بيكون معي بس خايف ..وأنا ماني خايف ومستعد حط أيدي بأيد أي شخص مستعد للمضي بالثورة .. ولا تواخذني يمكن احتدمت كتير بس عنجد أنت فتقتلي جروحاتي بحكيك ..ومتل ماقلتلك أنا جاهز أيمتا ما بدك للمظاهرات ...ممكن تقلي شو ممكن نعمل ونحنا تنين ...بقلك أنو بداية كل حرب طلقة أولى ...ونحنا طلقتين ..