[السورية المشتاقة]

السلام عليكم ورحمة اله وبركاته .

اخواني واخواتي ....
خلونا نفتح ساحة للحوار الهادف ...
اغلبنا بعمر الشباب ..بربيع العمر ...ومافي احلى من ايام الصبا ...
لهيك لازم نكسبها ونخلد ذكرياتها ...ومتل ما قال الحبيب محمد" اغنم شبابك قبل هرمك وصحتك قبل سقمك "....

لهالسبب وتبعا لهالمقولة العظيمة ....حبيت انو نقطع وعد على انفسنا اننا نكون صناع الحياة

الرسول محمد كان شديد الاهتمام بالشباب وفي قصص لاتعد ولا تحصى بتحكي عن هالناحية ...

هالوعد اننا نكون افراد فعالين ...النا اهمية ودور ..مو عايشين لمجرد اننا انخلقنا وبدنا نمضي العمر

يا شباب ...يا صبايا ...
حاولوا تحددوا الهدف ...تعملوا اي شئ مفيد...عقد مقدرتكن...
عمر بن الخطاب لما اسلم كان عمره 26 عاما ..ومن اول دقيقة من اسلامه ..
اخذ لقب" الفاروق " يفرق الله به بين الحق والباطل ...
انت اي لقب اخدت؟
هل عمرت عمارة ؟هل اصلحت جهاز معطل ؟هل محيت امية؟هل قرات كتاب مفيد ؟

اياكم والتشدد اياكم والغلو بالدين..
واياكم واهمال الدين..يجب ان نحقق الوسطية والاعتدال التي امرنا بها الرسول
بعض الناس بتعتقد انهن خلقوا للعبادة ..ابدا بالعكس خلقنا للعمل والعبادة والمتعلم التقي في الاسلام خير من العابد ... وقال الرسول:فضل العالم على العابد كفضل القمر على سائر الكواكب .

حدد هدفك بالحياة ..واسعى مشانه ...الحياة حلوة...لانها طريق للاخرة...
خذ الرسول محمد وشباب الصحابة قدوة خذ عيسى المسيح قدوة وعظماء التاريخ...لانهن مو بالسهل وصلوا للعزة ...
ومن يتهيب صعود الجبال يعش ابد الدهر بين الحفر ...
لازم نوعد الرسول محمد وعيسى اليسوع باننا رح نشارك ببناء الارض واصلاحها ...
لازم نوعدهن ونقللهن انهن تعبوا كتير مشاننا ..اناذوا كتير مشاننا ..وهلق اجا دورنا
ووقت الفراغ مشكلة كبيرة عند الشباب...لازم الشاب يملي وقت فراغه بالنافع ..
بالرياضة او بالقراءة او الانشطة المسلية او حتى بانهن يطلعوا يستجموا ...فكرة حلوة

انا اتعلمت حكمة من مدرستي انه كيفية ملء وقت الفراغ بالمفيد
اهم بكثير من اوقات العمل...

خلونا نتحاور ....كل واحد يحكيلنا كيف بيملي فراغه ..يحكيلنا عن انجازاته ...
شو عمل بحياته ؟ ويكون التفاهم اساس الحوار
ناطرة ردودكن