قرب قرب قرب اخلاق قديمة للبيع مبادئ قديمة للبيع روبابيكياااا
روبابيكيا
__________
العلم كالماء و الهواء
و الحلم سيد الأخلاق
حكم قديمة بقت روبابيكيا
تنفع للبيع فى الأسواق
الحب اللى كان قيمة عظيمة
دلوقتى بقى موضة قديمة
و كلام قصص و روايات
بنشوف اشباحها فى السيما
هلك الخير تحت الأنقاض
اتحرق العدل و صار رماد
و خلاص تاه الحق ما بيننا
و الشرف دخل المزاد
الرحمة داستها الأقدام
و الصدق اختفى م الكلام
و لو عايز تكسبنى فى صفك
تشترى ذمتى منى بكام
لا اله الا الله محمد رسول الله
|