اقتباس:
|
كاتب النص الأصلي : سنفورة
هلا انا بدي أسال سؤال وكل واحد يحكي عن حالو اوكي
اي
هلا شورايكون بالخيانة وطبعا اذا حدا بتحبو وخانك شو ممكن تعمل في او تنتقم 
وانا حابة اعرف كل واحد وجهة |
هلأ هي الخيانة هيك بالمختصر المفيد ...أنو بالوضع الطبيعي ....ممكن الواحد يتعرض لطعنة ( مادية أو معنوية ) من شخص المفروض أنو عدو ..و هيك يعني الواحد بيتوجع ع قد الضربة ....و بكون عندو حافز أنو يرد ...يقوة يعني
بحالة الخيانة ...اللي بصير انو بتجيك الطعنة ( المادية أو المعنوية ) من الشخص اللي المفروض أنو يرد عنك الطعنات
و هون الواحد بيتوجع كتير ...يعني كتير كتير
و وقت الواحد بيتوجع ..ما بعود يفكر...بصير يعمل ردود أفعال...و ردود الافعال غالبا بتتناسب مع طبيعة الشخص ...يعني اذا كان بطبعو هيك مسالم و حباب و جبان شوي...بجوز يهرب ..و اذا كان بطبعو حمش شوي ..بجوز يدبح ( ع باب الدار
)
أنا شخصياً ...اذا صار و اني تعرضت لخيانة ....بكون بوضع لا احسد عليه...لسبب بسيط هو انو لحتى اتعرض لخيانة ..لازم بالاصل كون واثق بالشخص اللي عم يخوني ..و هاد الشي صعب شوي كتير
