قصيدة المهزلة ( لون خلاص .. مبقاش جديد عليكم )
دى قصيدة شعريةبالعامية حسيب كل واحد يفسرها على هواه رغم ان معناها واضح زى الشمس
المهزلة
___________
جلا جلا جلا جلا
قرب تعالى يا وله
الدنيا دى صندوق عجايب
بيعرض اكبر مهزلة
المعركة بين قط و فار
جبان لابد فى الكرار
و القط ايمانه نور و نار
لكن ضعفه مشكلة
القط ده حفيد اسد
لكن مع الأيام فسد
يظهر انه اتحسد
من عين عدوه المفنجلة
القط شارب اكبر مقلب
و بسبب هبله الحال اتشقلب
الفار بالنسبة له بقى مرعب
و الصراصير مسترجلة
القط نايم يلحس شواربه
و الفار بيقرقضله مخالبه
و بكره حنشوف الفار راكبه
لأنه رضى بالبهدلة
لكن فى يوم القط فاق
زمجر و شمر للخناق
الفار رد بإستهزاء
دا ضعيف و اخره الولولة
لا اله الا الله محمد رسول الله
|