اقتباس:
|
كاتب النص الأصلي : yass
شباب هيك دج حابب أعرف شو بتفكرو أنو هوي الحل المنطقي و الواقعي لمشكلة الشرق الأوسط ( أكرر: منطقي وواقعي...)
أكيد هلأ عم بتفكرو " شو فطنو هالأجدب على هالشغلة!!!" و معكون حق.....بس اليوم كنت عم بحكي مع صحابي بالجامعة عن فلسطين و محمود عباس و العراق و الزرقاوي ووو... و بالصدفة وحدة من صحابي سألتني عن الرأي العام - مش الحكومي أنما الشعب- تجاه عملية السلام....و الحقيقة أنا هيك صفنت...لأنو بعرف رأيي الشخصي....بس ما بعرف شو رأي أغلبية الناس بسوريا...ما بعرف اذا فهمتو قصدي.....
حابب اسمع رأيكون!!
تحياتي  |
بالنسبة لمشكلة الشرق الأوسط أنا بتوقع أنو الشغلة أكبر مني بكتير بس ممكن قول رأيي أنو الشرق الأوسط هلق متل أوربا وقت كانت بعصر الظلمات ورح يتحسسن شوي شوي ويبني حالو متل ما صار بأروبا وطبعا من المستحيل أيجاد حل جزري يعني هادا الشيء بدو شي 50 سنة أو أكتر لينحل بالنسبة لعملية السلام ما فهمت شو قصدق بالضبط أنو السلام بفلسطين يعني.