اول الشي بشكر زين كتير عالموضوع الي في كتير خلاف بين كل العالم ...
وتاني الشي اذا قلنا اي او لاء رح يضل في شذوذ .. وهادا شي طبيعي مي بالمي ... لانو اي شي بالحياة ما الو شواذ بيكون شاذ بحد ذاتو ..
وانا من جهتي بحس انو شغلت الشواذ ما حلوي لانو ما فيني شوفا متل ما بيشوفوا هني بس بعتقد انو الشب الشاذ او البنت الشاذي ما بتكون هي الي قررت هالشي وهادا الشي بيجي لحالو مع الحياة ومع التجارب الي بتمر بالشخص كل يوم وبيكون بنفس الوقت في دور كتير كبير للهرمونات الموجودي بالجسم ...
وهون بالمانيا كمان هي شغلي اخدي ضجي كتير كبيري.. وخاصة بهيك بلد حر وفينو الواحد يساوي الي بدو اياه بس ما يكون عم ايزعج غيرو او يخرب شي .. وطبيعي مي بالمي انو الشواذ ما رح يسبب الازعاج للغير لانو عالاغلب بتكون شغلت قناعة بين الشخصين ... وهون عادي كتير الواحد يشوف شبين او بنتين عما يبوسو بعضون بالاماكن العامي .. وانا بعيني شفت مرة بنتين بالمسبح كانو نازلين تبويس ببعضون وكانو صبايا عليون القيمي يعني ما حايلة, بس اسا ما شفت شبين سوا مع انو كتير عالم حاكينلي عنون وعن تجربتون معون .. وهلق المشكلي الجديدي بموضوع الشواذ الجنسي هوي انو مسموح للزوجين ( بغض النظر عن شبين او بنتين ) انو يتبنو ولد بعتبارون هني متجوزين وعايشين سوا ومن حقون الطبيعي انون يصيرو اهل ( وعالاغلب بيكون في بين الطرفين الي من نفس الجنس شخص بيكون عم يلعب دور الذكر و التاني انثى وفي اوقات ما بيكون محدد فبيبدلو الادوار ) وهاي الشغلي اسا لهلق عما يصير فيا كتير محاكم ودعاوي...
وعالاغلب بيكونوا الاشخاص الشاذين جنسيا اشخاص كتير طيبين وقريبين عالقلب ... و وقت بتكون بنت قاعدي مع شب شاذ بتحس بالحريي لانو شو ما ساوت حركات او حكت ما رح تثير الشب الي اداما .. ونفس الشي بالنسبي للطرفين ... وفي كتير اوقات بينسأل الشب من قبل شب شاذ اذا ممكن يطلع معو وبالعادي بيسأل كتير برواق و بيبين الزعل علي بس يكون الجواب بالنفي ( سمعان هاي الشغلي صايرة مع كتير عالم )... وبعتقد انو الشغلي رح تكون من سابع المستحيلات وقت شب مثلا حب يمارس الجنس مع بنت شاذي او بنت مع شب شاذ لانو اد ما حاول الطرف الاول اثارة غرائز الشخص التاني ( الشاذ ) ما رح يقدر يساوي شي وكل تجاربو رح تخيب بالفشل الذريع...
وانا من جهتي اذا عرفت انو في حدا من رفقاتي او قرايبين شاذ جنسيا ما بعرف شو بيكون احساسي ... بس شي ما متل الزعل ... بس ما بعرف شو بيكون بالظبط .. بس عالاغلب انو مارح صير اكرهو او غير نظرتي الو لانو هو كمان عندو شخصيتو الخاصة ... وانا بكون مقرر علي حسب هالشخصيي ما حسب مع مين هو بيفضل يمارس الجنس .. لان هي بالنهاي شغلي شخصيي وكل مين بيساوي الي بدو اياه ...
وهلق رأي الادين من الموضوع ما بعرف شو هي بالظبط .. بس بعتقد حسب الشريعة الاسلامي اللواط حكمو الموت ما؟؟ ... ماني متأكد من هالشي بس بتزكر انو مرة سمعت هيك شي بالراديو بالسعودية..او بجوز مخربط .. واذا كان غلط انا بعتزر .. وما بعرف كمان شو وجهت الدين المسيحي بالموضوع .. ( لا تأخزوني بسبب بعدي شوي عن الاديان ) بس بعتقد انو مارح يصير بحياتو جواز كنسي او بالجامع لتنين شواذ وهي الشغلي اكيدي او عالقليلي بالمدى المنظور ... بس انو اذ هادا غلط او صح ماحدي فينو يقررو .. لانو اذا سألنا شخصين عادييين بالموضوع ( عاديين يعني مانون شواذ وبعتزر عن هالتعبير بس ما قدرت لاقي غيرو ) بيكون الرفض قاطع وانو هادا حرام وكفر وما بعرف اسا شو من هدول المعاني .. بس نفس السؤال اذا كان لشخصين شاذين عم يطالبو بالجواز الكنسي ... ليش لحتى يكون ممنوع اذا لتنين بيحبو بعضون ورح يضلو كل عمرون مخلصين لبعض ...
ومثلا الاشخاص الي بيمارسو الجنس مع الجنسين (bysexual) .. هدول الاشخاص بتكون ما كتير فارقة معون مع مين هني بس عالاغلب انو بيفضلو احد الجنسين عن الاخر ...
وبعتقد انو هاي الظاهرة عما تنتشر بشكل رهيب وسريع بالبلدان المتعصبي دينيا بشكل زائد متل السعودية مثلا نو بمتل هيك بلدان صعب كتير اختلاط الجنسين حتى بس كمعرفي عامي .. وبنفس الوقت بتكون العلاقة بين الجنس الواحد عادية.. مشان هيك بيصير بسبب الاشخاص الغلط الموجودين بالمجموعة كل المجموعة غلط و بتنحرف عن المثار الطبيعي للعلاقات الجنسيي ... وبعتقد انو بهيك اوقات الشذوذ بيكون بشكل تاني .. يعني ما بسبب حب العلاقة مع نفس الجنس بس لانو العلاقة مع الجنس التاني بتكون صعبي كتير .. او شبه مستحيلي ببعض الاوقات ...
يا جماعة كنت عما ققرا هلق الكتبتو .. واذا طلع كتير طويل ... لا تأخزوني عالطول
بس الحكي طلع لحالو..
وشكرا الكون
..
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia