[fady juventus]

كاتب النص الأصلي : Danito

شو يا شباب ؟ شو هالأسلوب الولادي؟
يعني هي جائحة بسوريا لسا نازلين بسعد الحريري و جنبلاط و تويني و هلق خدام
كبروا يا شباب و فتحوا عيونكم
يا حسرتي على الشعب السوري اللي كانت السياسة بدمو ، ضلت السياسة بس سنين القمع الطويلة و احناء الرأس منعتنا من النظر إلى الأفق و محاولة قراءة الواقع بشكل علمي و منطقي

السياسة هي فن الممكن و لغتها هي لغة المصالح يعني كل واحد بيدور على مصلحتو
بس يا حصرتي صايرين مو شاطرين إلا بالمسبات و كل البشر سبب مشاكلنا بينما الحقيقة أنو نظام فاسد و متورط لقراقيط أذانوا بالفساد و الجرائم و يعني عم يخلط عباس بدباس
مو المهم مين قتل الحريري أو مين قتل تويني
مو المهم خدام طلع على النظام و لا غزالي أعلن ولاءه اللامتناهي
المهم نحنا لوين رايحين؟ البلد شو صاير فيها؟
يعني إذا الأميركان ما ضربوا انحلت مشاكلنا؟ ما نحنا بالأصل كنا راجعين بالرجوع
لا و الأحلى السعودية دخلت على الخط و صاروا الشباب يلوموها؟ طيب ليش ؟ هذا نظام سياسي منفرد بالسلطة متخبى ورا القضايا الوطنية بس بالنهاية و بسبب الإنفراد بالسطلة و عزل القوى المختلفة عن القرار بيتحمل وحده كل المسؤولية عن الأخطاء و الأخطار بما فيها اتهام سوريا ظلما مع أني بعتقد أنو متورطين بكثير من الجرائم اللي صارت و اللي عم تصير
حد أدنى النظام متورط بجريمة الشقاق بين الشعبين اللبناني و السوري (لا يلغي ذلك دور بعض الساسة اللبنانيين)
اصحوا يا شباب فتحوا عيونكم و افهموا الموضوع مو موضوع كرامة و بطيخ الموضوع مصالح و صراعات و انكشاف عورتنا و مساومة النظام عبر عقود و تخبئه خلف شعارات الوطنية و القومية الزائفة
على قولة الأستاذ الكبير محمد الماغوط الحكام العرب بيحطوا شعوبهم بصناديق و حقائب عتيقة و يبرموهم على ظهر الخزانة و السقيفة و عند أول أزمة يبتذكروهون و بينزلوهون عن الرف من شان يدافعوا عن ... النظام نفسه

مشان الله حاج
إنتو كمان مو فالحين غير بالفلسفة واللعي الفاضي

و خود على شعارات و شعارات سخيفة مالها طعمة

لسه بتنادو بوحدة مع دول عايفة طي..بيكرهوا بعضن وبيتمنوا الأذى لبعضن
حلوا عنا إنتو وشعاراتكن ..فججتوا راسنا و قرفنا من الشعارات و الشعارات و أكل الهوى
صارلنا 40 سنة بنسمع شعارات وليك وين صرنا

مع إني كنت ميال لحزبكن
بس الخمس سنين الأخيرة تمت فيها تعرية جميع الأحزاب
و بينت إنها جربانة ومو فالحة غير بالشعارات والشعارات
و لسه عايشين على آمال الوحدة السخيفة
إن كان عربية ولا إقليمية

شوف يا حبيب
إذا عندك مسبة قولها
ما عندك..آسفين
هون مو مكان للتنظير والشعارات الرنانة