[السورية المشتاقة]

مرحبا ...
حبيت احكيلكن هالقصة ...اللي صارت قدام عيوني اليوم

مع انه اليوم عطلة رسمية ...عملت مدرستي يوم مفتوح للحملات الطلابية الحرة ....

يعني كل مجموعة من الطلاب بتعمل حملة لهدف سامي وانساني ...

قررت انا ورفقاتي نعمل حملة تضامنا مع الشعب السوري ورفض للاتهامات الباطلة بحقة من دون ادلة ... مع اني انا السورية الوحيدة بين رفيقاتي ...

المهم طبعنا منشورات ولافتات وقصائد وخرائط ومعلومات عن الجمهورية السورية ...

وقررنا ننشرها بالمدرسة بين الطلاب و ننشرها بالشوارع بين الناس ...

اجت المديرة وصارت تلف عكل المجموعات وتعطي رايها ...فجاة ما لقيتلكن الا وحدة من بنات
الحادي عشر طلعت فوق كرسي وهي حاملة لافتة عليها صورة اكتر من حيوان متل الغزال ودب الباندا ...وهالبنت سكوتلندية ...

و بلشت تهتف بحقوق الحيوان ................

بعد ماخلصت وراح صوتها نزلت من على الكرسي وراحت لعند مجموعة تانية لتوزع عليها منشورات بتندد بقتل الحيوانات ...وتحذيرات لانقراضها ...

قامت بنت فلسطينية قالتلها مو احسنلك لو تعملي شي عن حقوق الانسان ؟؟؟!!!!
قالتلها الاسكتلندية ...وحقوق الحيوان تضل مهدورة ؟؟!!!
قالت :لا بالعكس حملتكن حلوة وهادفة ...لكن في اشياء اهم بكتير ...وين حقوق الفلسطينين

قالت الاسكتلندية ..مو ليكونو بشر ؟؟؟؟

وعلقت بيناتهن ...وعوقبت الاسكتلندية ...

المهم من هالقصة اللي بتهز البدن ...انو انهز بدني طول اليوم ...من الاستخفاف بقدر الانسان
يا عمي والله ما حدا قاللكن شي ..لازم ندافع عن حقوق الحيوان ..
لكت انه تيجي وبكل وقاحة تحكي هيك عاخواننا بفلسطين ؟؟؟

احيانا بحس انه تحرير فلسطين معجزة ..وانتهى زمن المعجزات ...
ما النا الا اننا ندعي ونصلي لاخواننا بفلسطين ..ونقرا قصائد احمد مطر ...عنجد والله بحس انه هو اكتر شاعر قدر يحكي عن حالة الفلسطينيين وهي قصيدة للشاعر الكبير احمد مطر اهداء الكن...
.................................................. ............................................

عائدون


هرم الناس وكانوا يرضعون ،
عندما قال المغني عائدون ،
يافلسطين وما زال المغني يتغنى ،
وملايين اللحون ،
في فضاء الجرح تفنى ،
واليتامى من يتامى يولدون ،
يافلسطين وأرباب النضال المدمنون،
ساءهم مايشهدون ،
فمضوا يستنكرون ،
ويخوضون النضالات على هز القناني وعلى هز البطون ،
عائدون ، .ولقد عاد الأسى للمرة الألف، فلا عدنا ولاهم يحزنون

.................................................. ..................................................
ولكل واحد بالمنتدى بتوجه بطلب ..اعملوا اي شي مشان سوريا ..مشان فلسطين ...
اعملوا اي شي ...عالانترنت بالجرايد بين الناس ...سورية بحاجة لمواطنينها لشبابها ...
مين النا غيرها ؟؟؟؟

باي