[Abo rafik]

الاخ العزيز سهم العرب ...اول شي بدي اشكرك عالوقت اللي خصصتو منشان تكتب كل هالرد...
تاني شي في شغلات كتير انت مفكرها من صلب العقيدة المسيحية وانت عم تناقش فيها انها غلط وهي مش من عقيدتنا لذلك بطلب منك تقرأباللاهوت المسيحي حتى ترد لانو مش لازم تفهم ع ذوقك ...لازم تفهم متل ما المسيحية بتقول ومتل ما علم المسيح....وبرجع بقللك الانجيل كتاب سهل وما فيك تفهمو وما تعيشو....يعني بالنسبة النا :خلينا ناخد سر الزواج وليش منسميه سر...لانو سر محبة مش شي مخبى متل مابتفهم من كلمة سر ...بل هوي شي ما بينوصف وما بيعرف فيه الا الاتنين المتزوجين بالاصل....يعني المحبة الموجودة بين هالاتنين بالاصل مافيني افهمها او افهم جزء منها وما عيشها....ما فيني حس اني انا ومرتي شخص واحد وما كون بحب مرتي متل ما بحب حالي واكتر...وبالمقابل هالشي مارح يصير الا اذا مرتي حبتني بنفس الطريقة...وبنفس الروح...(لهذا يترك الرجل ابه وامه ويلزم امرئته فيصير الاثنان جسدا" واحدا")...قادر تفهم شو يعني جسد واحد يعني بكل مكنوناتهم واحد (ومع انهم ضللو اتنين بالروح )افعاله ما بتتعارض مع بعضها وما بتختلف وما بيطلع عنها اي شي مومنيح لانو المحبة جامعتهم بكل شي متل ماهيي جامعة الثالوث بسر المحبة...وعظمة المسيحية بتكمن انو كل الناس مدعويين يعيشو هالسر لانوالله احبنا جدا"ولهالدرجة...لدرجة انو يصير انسان حتى الانسان يتأله بالنعمة........بس تفهم هالنقطة بتفهم شو يعني ثالوث واحد....
بس اذا بدك تضل تجيب ردود من وجهة نظر اخرى اللي هيي ع راسي وع عيني ما رح تستفيد شي لازم تفهمنا مظبوط بالاول وما فيك تفهم حتى تعيش ....حياتنا .
وصدقني ما في اي شي بالدني ممكن يخليني اتخلى عن لحظة سلام واحدة بجانب مسيحي ...اني تعبان كتير من شر هالدني ومن شري بالاول....وياريت تقرب اللحظة اللي رح تقربني من عريسي ..ولوقتها رح ضل خبط بهالدني وانا واثق انو مش ممكن يتركني....(ثق برحمة الرب).
ولا تواخذونا....