[yass]

كاتب النص الأصلي : emadiab

واضح انى انفعلت اكتر من اللازم فى ردى على عاشق من فلسطين و صدقونى من ساعة ما اشترك عاشق من فلسطين فى المنتدى و انا حصلتلى صدمة كبيرة و لاحظوا ان اول مواضيعه كانت عن اصل الأديان و قال انها مجرد اساطير وخرافات وصب هجوم شرس على الدين الإسلامى و انا فاكر انه قال انه كان مسلم فى الأول
اتمنى يكون كلامى صحيح
وافتكر انه تعدى الخطوط الحمرا فى كلامه عن الإسلام و غلطتى انى جاريته فى اسلوبه المستفز واوعدكم يا جماعة انى مش حشترك بعد كده فى اى موضوع يهاجم الديانة المسيحية و اتمنى ان لغة الحوار ترتقى فى المنتدى و وعد منى انى اول واحد ينفذ الكلام ده
و كان قصدى بالإخوة هم المسلمين طبعا و دى مش سبة للمسيحيين مثلا عشان محدش يفهم غلط
و احابة على السؤال اللى سألته فى الأول انى شاركت اولا بدافع الفضول ثانيا بدافع وضع الحقائق امام اعينكم و كل واحد بعد كده حد يقتنع او ميقتنعش فأنا لا اذكر ارائى الشخصية فى معظم ردودى لأن لا رأى شخصى لى مثل هذه المواضيع لأن مهما بلغت من العلم فعلمى ضئيل جدا و تذكروا يا اعزائى انه لا اكراه فى الدين قد تبين الرشد من الغى
و اخيرا اتمنى ان يكون اعتذارى مقبول و بداية لتصحيح العلاقة فى المنتدى بين المسلمين والمسحييين

تحياتي