[السورية المشتاقة]

كاتب النص الأصلي : LEONARDO

طيب تعو لاحكيلكن هالقصة.
اجا لعنا عالحارة جيران جداد وبتجي لعندهن صبية شلخة يعني صواب يعني ضرب المهم عمكن ابو الندر ساكن بطابق تالت وهني بالبناية لمقابيلنا بالقبو عمكن ابو الندر بلش يطقش بعيونو وهديكي بلشت الابتسامات محسوبمن ابو الندر حمل هالشالو تبعيتو يعني كلبتو من نوع شالو واسمها لاسي ونزل عالشارع قامت الامورة ركضت عليه بحجة انو تلعب مع الكلبة ومن كلمة لكلمة صرنا اصحاب وكان اسمها ريتا المهم صارت كل ما تشوفني عالبلكون تقلي نزيل ونبلش طق سير طبعا انا كنت دايب دوب فيها.
ليوم قررت انو لازم دق الكوز بهالجرة بقا صارحتها مع العلم انو كان عمري وقتها 18 وهيي 16 بتعرفو شو كان الجواب:
قالتي توقعتك صغير على هالشغلات ..........
يعني البنت كانت بس بدها تتسلى
ومن يومها ماني صحبة مع البنات بهالمواضيع.
لذلك هادا يلي الشباب عم يحكو عنو.

ههههه و الله طلعت قوي وحربوق ...شو هاد اللي بيشوفك بقسم الصبايا بيحسك معقد من البنات
هلق بينت عحقيقتك ..بس يا ليوناردو او يا نادر نحنا العرب بس بنت و شب يلعبو هيك مع بعض
و يترافقو ما بتتفسر الا انهن بيحبو بعض يعني هالقصة صايرة بسوريا ولا باميركا ؟
لو بسوريا مستحيل البنت هيك تعمل معك ...لانه هي حركات عشاق صح ولا لأ ؟
اما باميركا فهي صداقة عادية ...