[عاشق من فلسطين]

أول شي أنا بصفتي لا هيك ولا هيك رح قلك شو اللي بيخليك تطرح متل هيك سؤال...
يعني اذا أنت كمسلم بتدخل بموضوع عن تحريف الكتاب المقدس لأنو هادا بيحققلك نقطة نفسية ايجابية لأنو المسلمين بطبيعة الحال دائما" سيوفهم مشحوذة ومستعدة للهجوم عندما تلوح بالأفق أية بوادر هجوم على المسيحيين ..
وأما بالنسبة للمسيحي فهوي لما بيشوف هيك موضوع عن تحريف القرآن فهوي بيدخل بهالموضوع ردا" عالهجوم الاسلامي الدموي ..
وطبعا" ماني عم مبرر للمسيحيين بس على الأقل أنتو كمسلمين أنتو مين بدأ الهجوم عليهم وأمر بتكفيرهم ومعاداتهم ..وردودهم هذه هي نتيجة تراكمية لتاريخ طويل ..
وفي فكرة حابب قلك ياها يا مسلم ..المسيح من عند الله وقبل محمد وبعيدها قبل محمد .. ومرة تالتة قبل محمد بقى بأيو منطق أنت ورسولك بدك تلغيه وهوي قبلك جاوبني لشوف ... وبالنسبة للمسيحين لا ينبسطوا من كلامي لأنو عندكون أخطاء كمان بالرد على الهجوم لأنو ردودكون لازم تكون مبنية على التسامح والحب اللي هوي رسالة السيد المسيح ...وماني عم شوف بردودكن اللي هيي حق مشروع على الهجوم الاسلامي ماني عم شوف استيعاب وتسامح لذلك حابب قلكن أنو أنتو التنين مخطئين ومحدا فيكون أحسن من التاني لأنو محدا عم يستوعب التاني .. وأنا بأكدلكون انو لما حدا فيكم بيستوعب التاني فهوي لو حس حالو خسر النقاش ..بس بيكون جعل الطرف الآخر يحس أنو ضعيف وأنو خطأ..لأنو ليس المهم أن تقول الحقيقة دائما" ولكن يجب أن تعرفها دائما" وعندها تكون الصح ..
وبتمنى يا أخ عماد أنو كون جاوبتك على سؤالك وأنا متأكد أنو مو متل ما بدك تسمع جاوبتك بس على الأقل جاوبتك بالحقيقة ..
وحابب قلك رد مباشر على سؤالك ليش المسيحي بيشترك بموضوع تحريف القرآن ؟ الجواب واضح لأنو الموضوع مطروح ليشارك فيه مسيحي..لأنو المسلم مقتنع بعدم تحرف القرآن ..كذلك الأمر بالنسبة للسؤال المناظر..
ولا تواخذونا مسلمين ومسيحيين لأنو كلكم أنسان وأنا ديني هو الأنساينة لذلك كلكم أخوتي بالدين ..
وأنا كل هدف مشاركتي أنو حاول حل الخلاف التاريخي بينكم وأنا رح قلكن أنو لما بدكن تحلوا هالخلاف لازم تتناسوا فكرة (أنت بدأت لا أنت بدأت ) لأنو (اذا ضربك كف على خدك الأيمن أدر له الخد الآخر) و(قال تعالى : المؤمنون أخوة ) وهنا لم يعني المسلمين
لأن المؤمن هو من يشعر نفسه بالأمان ومن يشعر من حوله بالأمان له بغض النظر عن دينه وعن دين غيره..ومن هنا جاءت كلمة مؤمن...لذلك انظروا بعين الحقيقة الى جوهر دينكم تأكدوا أنو رح تحبوا بعض..
وسامحونا