[مجد حسن]

كاتب النص الأصلي : السورية المشتاقة

عنجد شكرا اخي مجد حسن عالرد اللي فيه زبدة الرد على سؤالي ...
بس انا ما فهمت شي الا حضارة بلاد الانكا او اليانكي انا ما بدرس التاريخ العربي
انا بدرس تاريخ انجلترا واوروبا وامريكا وكندا و وامريكا اللاتينية وشي بسيط عن الكويت

و مادة العربي لها حصتين اسبوعيا فقط ....لهيك نقطة ضعفي العربي والتاريخ...
صحي شو رايك بالعربي بسورية ....؟؟؟!؟!!!!

العربي مادة اساسية عنا جداً جداً بتتعلمي فيها الإعراب والنحو والصرف والبلاغة والعروض بشكل مفصل ويزداد تفصيله كلما تقدمت سنة بعد سنة بالعاشر بتتعلمي التقطيع العروضي للابيات الشعرية وأنواع البحور الشعرية( الطويل - الرمل - الكامل- البسيط-...........الخ) طبعا والإعراب وتعبير أدبي ...................................الخ
شوفي العربي دراسته حلوة كتير بس الواحد لازم يفهم أهم شي يفهم الواحد شو عم يعمل شو عم يدرس واذا أنت ضعيفة بالعربي حاولي تقري كتير روايات أو اي شي بيحكي عن الأدب يعني بدك تتعبي على حالك شوي حتى تأقلمي وبعدين بتصير الأمور سهلة كتير
أما التاريخ فشغلة بسيطة إذا بدك التاريخ حتى تنجحي بس عليك بالحفظ غيباً (عن ظهر قلب)
وإذا بدك تتعلمي حاولي تقرأي كل ما يتدث عن التاريخ الحديث والقديم بسوريا وغير سوريا حسب رغبتك طبعاً
وأهم شي المتابعة بأي مجال كان المهم الواحد يفهم بالمدرسة ويتابع بالبيت مو مهمة ساعات الدراسة بقدر ما مهم إنو الواحد ما ينقطع عن دراسته لازم كل يوم تعرفي شو عندك جديد هي أهم شغلة.
بالنسبة لحضاراتنا اللي قامت عنا بسوريا لمحة بسيطة:
قامت حضارة السومريين ببلاد الرافدين( العراق وسوريا) طبعا سوريا تشمل بلاد الشام كما هو معروف ومن ثم بدأت تقوم دول وتنهار وتقوم دول على أنقاض من سبقوها
الدولة البابلية الأولى والثانية والآشوريين والكلدان والأكاديين........الخ في العراق وفي سوريا العموريين والآراميين والفينيقيين...........الخ وكل فترة كانت امبراطورية تقوى فتحتل كل المنطقة وغيرها كذلك الامور كانت تمشي الاقوى فالاقوى وبعدين هيك طبعا كانو متطورين كتير ويسبقون عصرهم وبدأ نزوبل العرب إلى المنطقة في العهد السومري الذين نعرف عنهم القليل كان العرب الذي جاؤوا من شبه الجزيرة العربية ذاك الوقت عرب رحل رعاة بدو يعني بينما السومريين كانوا شعب متحضر يسكن المدن فسكن الجدد حول المدن وبدأو ا يختلطون معهم قليلاُ قليلاً ثم أصبحوا أقوى منهم فأخذوا مدنهم واندمج الناس مع بعضهم على ذاك الشكل ثم بدأن تتشكل الدويلات والامبراطوريات المتتابعة بعدها التي ذكرتها لك سابقاً
طبعا لكل دولة تقريبا كان لها ديانة خاصة بها مستوحاة من التي قبلها وهناك أشياء كثيرة مهمة تمت في ذاك العصر من قوانين حمورابي وثم سبي اليهود من فسطين على يد صارغون وسحبمهم مقيدين الى العراق والسبي الثاني وهناك أختراعات كثيرة وحسابية( الشهورالشمسية والقمرية ) والمسلات التي بنيت وحدائق بابل المعلقة............الخ
يعني لا يمكن التدث عن كل شئ هنا وربما تخونني الذاكرة فأعطي معلومة بعيدة عن الدقة
طبعا حكمنا الحثيين فترة والفراعنة فترة والرومان كما مر بنا الاسكندر المكدوني ( وهو الذي أطلق اسم - سلاميس- على مدينتي التي تعرف باسم - سلمية الآن- في سوريا)
وكل دولة كانت تحاول أول شئ أن تفرض طقوسها وعباداتها لذلك تلاحظي أن الأديان تقريباً واحد بتلك المنطقة مع اختلاف الاسماء فقط
يعني إنانا في العهد السومري أصبح اسمها عشتار في سوريا وسبيبل كان في تركيا وافروديت في اليونان وفينوس في روما.......التي هي آلهة الحب والخصب وأنا بنصحك إذا بدك تتعرفي على سوريا في كتب تاريخ كتير حلوة ومفيدة عن الفترة هذه . واكيد أدق من كلامي اللي عم أنبشو من الذاكرة فشكرا الك ذكرتينا إنو كنا نقرا شوي ونحب القراءة .
إقرأي ملحمة جلجامش السومرية اللي كتبت قبل 3500سنة قبل الميلاد شغلة رائعة كتير!!!
أشم فيك رائحة الوطن وشكرا لوجودك بيننا.