أخوية - عرض مشاركة واحدة

whiterose · 13/12/2005

اقتباس:

كاتب النص الأصلي : Willi

والله اذا بقول هالحكي بمنتدى اسلامي وبطلب نادي مسيحي ليشلفوني برات الموقع ويحظرو اميركا كلياتها عن المنتدى

بكفي انكون عم تسبو المسيحية بنص موقعهون وما حدا عم يحكيكون شي
احلا كمان ينحط نادي اسلامي عم اتخيل شلون رح تسبونا وقتها

مابصير ها الحكي
هلىء يمكن رح غير نظرتي
أنت عم تطلع على شرائح صغيرة يمكن حتى ما بتعرف شو معناتو اسلام لحتى تعرف شو معناتو مسيحية
الأنسان المسلم الصح هو يلي مابيسيء لولا ديانه بس يمكن يعطي رئيو فيا أنو بنظرو مو هيك وغلط
متل المسيحي يلي برئيو الأسلام مو هيك وغلط
ولله أنا كمسلمة عمري ماسبيت مسيحي ولاحتى تعرضت لشي ممكن يديئو وعندي أصدقاء مسيحيين كتار بزورون وبزوروني وبحبون وبحبوني
دخلت معهم الكنيسة ودخلو معي الجامع بس خلص كل واحد مقتنع بدينو ومحترم ديانة الأخر
ومنحكي كتير عن الدين بس عمرنا مازعلنا بعض متل الشرشحة يلي بحوار الأديان
ومازال عم تقول أنو الموقع مسيحي وممنوع وجود فيه أقسام للحوار الأسلامي
أنا بحب قلك هي قمة الديكتاتورية
بدون زعل لأنو أنا عنجد بحترمك كمشرف وبحب المنتدى
ورح شبهلك ياها بكتيير شغلات
1- إذا كان ها المنتدى إسلامي بسجل فيع عضو مسيحي
سؤال: أنا بتحدى مين ماكان أنو في منتديات إسلامية بس مابظن أنو فيه مسيحي واحد مشترك فيها
2- التشبيه الأكثر بلاغة على أنو كلامك ديكتاتوري
لنتخيل مثلاً سوريا
السيد الرئيس مسلم
تخيل يقول ممنوع قتح الكنائس وبتسكروها وممنوع تعليم الديانة المسيحية بالمدارس
ممنوع وضع الصليب على الرقبة أو الطوق أو اي شي من هاد
شو بتقول عنه ممكن تجاوب بصراحة ووضوح!!!
هي مو أسمها ديكتاتورية ولا لاء
ياريت يا أعضاء المنتدى إسلام ومسيحية تجاوبوني
http://www.akhawia.net/showthread.php?t=18151