11/12/2005
|
#32
|
|
عضو
-- مستشــــــــــار --
نورنا ب: |
Aug 2005 |
مشاركات: |
4,570 |
|
يمكن لأنو نحنا ناس مافينا بلا خناق
أنو يعني تسكر حوار الأديان
مو معقول نضل هيك بلا خناق
لازم نلاقي شي نتخانق عليه
مو هاد نحن؟!
أنا كنت جامل وكنت دائماً غير قادرة على الصراحة كنت خاف
على مشاعر الغير وأسعى دائماً لأرضاء الطرفين
أي وبعدين ولله ملينا ياعالم حاجة تفاهات
الأيام والزمن علموني أني لازم كون صريحة وكتير
لحتى يكون ألي وجود وحس بالنهاية أنا بوجودي
هلىء يعني لازم ننقد المنتدى وإدارتو
طيب على شو؟؟
أنا رأيي متل
willi
هاد الموقع فيه ديمقراطية كبيرة ممكن عبر فيها عن كل أرائي
أنا صح كنت بنت كتير مرحة ومزوحة كانو رفقاتي بالمدرسة كتير يحبوني لأني كنت دائماً أعطي جو مرح حتى بالحصص
لك كنت غير أنا المعلمات خلي القوية تصير معنا منيحة
ولما دخلت الجامعة وحبيت ومانحبيت
وحبوني وما حبيتن
قتلولي الناس والعالم كل شي حلو بحياتي
قتلو الفرحة والروح المرحة حتى تعاليم وجهي صارت جدية ولما كنت ألتئي بالصدفة بأصدقاء الماضي ولله ياجماعة مايعرفوني
ليش.؟
لأنو كنت أزرع وما أحصد
كنت حب وما أنحب
كنت أعطي وما فكر شو بدي أخد
بس خلص انا ماعاد أقدر أستمر هيك
وأتسمت حياتي بالجدية والبحث عن المصلحة الذاتية دون أذية الغير
بتعرفوا ليش عم أكتب هيك
لأنو شبهت المنتدى بحياتي من الصغر لهلىء
مازال المنتدى ماعاجب بعض الناس يلغو اشتراكن ويأحطوا
كمان لهون لاحقينا
كمان بدكون تلغو أحلى وأروع منتدى
جربوا عملوا سيرش على كووكل
بتلاقوا منتدى متل أخوية فيك تحكي شومابدك
وتعبر عن شومابدك
فيه مرح وفيه حزن
فيه لعب وفيه جد
وبصراحة أكتر هاد المنتدى الوحيد يلي قدرت عبر فيه عن جزء كبير من يلي بداخلي
كلياتنا مشتركين بعدة منتديات بس أنا ماكتبت أد ماكتبتو هون لك حتى صرت كل أسبوع ويمكن أقل لحط مشاركة
بدون ما اشعر صرت دغري فوت على المنتدى
لك أسمو لحالو بكفة يا جماعة
أخوية
وين الأخوية بها الأيام وين نحنا من كلمة أخوية
معلش خلينا ناس مجهولين من ورا شاشة ألكترونية
بس خلونا نعبرعن مشاعرنا لاتقتلونا الفرحة
لاتخلونا نفوت و نتخانق على شغلات تافهة مالها وجود نحنا أخترعناها لأنو ماعم نلاقي شي نتخانق عليه
مو هاد نحنا
الشعب العربي
حاجة بقا ولله تعبنا المنتدى ولا أروع من هيك
وحياة يلي خلقني وخلقك ماعم أحكي غير اللي بقلبي
أنا ماعاد أعرف بحياتي غير الصراحة
والكذب ملغي من حياتي
أنا رأيي يلي مو عاجبو المنتدى يروح
على شي منتدى ديكتاتوري لحتى ينفش خلقوا لما يشوف أنو أدارتو دعست باالصرماية على رأيو لما حذفتو
مابظن انو في منتدى ملغي اشتراك 3 اشخاص بس من تارخ صدورو
اي بعرف منتديات كل يوم بتأحط لأكتر منشخص
لازم نفكر كيف ها المنتدى يكبر أكتر واكتر
مو كيف لازم نزحلط إدارتو
أنا بشكر كل القائمين على المنتدى من مؤسس الفكرة للديزاينر يلي صممو
من أكبر مشرف لأصغر مشرف
لكل الأعضاء يلي بحبو
لك أنا برأيي حتى حوار الأديان كان شي قوي رغم الشي الكبير يلي صار
وماهو غير عبارة عن غيرة الأنسان لدينو
على القليل لقينا جوات كل شخص حب عميق لدينو
و بالنهاية
كل يلي علقو بحوار الأديان لو بكلام جارح
مبسوطين هلىء
ليش؟؟لأنو بقلوا المهم فشينا قلبنا
تعو يا جميع أعضاء المنتدى إسلام ومسيحي نتأخا
ونعرف بحالنا مع الديانة إذا بدنا ونحكي بحرية عن ديننا دون الأساءة لأنو سبق وقلت أنو لانقرب على الشغلات يلي بتجرح كتير
متل الوطن والديانة
|
|
|
|