[hammoooza]

كاتب النص الأصلي : حسون

مؤخرا كتبت موضوع بعنوان قال إدارة قال بحكي فيه عن موقف بدل على استهتار الإدارة و إهمالها للموقع
بقوم بتفاجأ بأنو حموزي يلي هوي رئيس حزب معارض بالمنتدى عم بدافع عن الإدارة المستهترة و المهملي
و هادا الشي على شو بدل ؟
بكل بساطة إن حزب جبهة تحرير الأخوية هو حزب من صنع الإدارة لحتى يقولوا شوفوا قديش نحنا ديموقراطيين
و طبعا ما وقفت الشغلي عند هون و بس طلعوا حزب تاني منشان يقولوا شوفوا كيف نحنا عنا تعدديي و بما أن الأقربون أولى بالمعروف كان حزب مخصص للحماصني تحت إسم حزب الحماصني القبضايات
بقى حاج مسرحيات لأنو هالشغلي مانا جديدي علينا

حبيبي انتا حطيت بموضوعك انك بدك تغير الأدارة وبدك تزعب المشرفين وبدك وبدك وما بعرف شو

هيدا شي مش منطقي ابدا

يعني انتا مين حتى بدك تاخد محل المشرفين شو المنتدى ملكك أو كيف

هني المؤسسين وهني المشرفين ولا انتا ولا انا المفروض نبحث هالشي

اما اذا عندك انتقاد على بعض النقاط فأكيد هني برحبوا فيك ومستعدين يسمعولك ويناقشوك

بس هيك دغري بدك تزعبهم وتقعد محلهم طيب روح اعمل منتدى انتا بنفسك وبتصير مشرف

وفرجينا اذا بتقبل انو يقلعوك من منصبك وبعدين بدك المشرف يقعد 24/24 على المنتدى شو ما

عندهم شغلة غير المنتدى كل واحد عندو حياتو

اما قصة انو انا دافعت عنهم هيدا مش صحيح انا دافعت عن حزبي لأنك افتريت علي وطلعت

اشاعات ما الها اساس من الصحة فاضطريت اني رد عليك بس الظاهر انو متل ما قلتلك

انتا حابب تعمل دعاية لحزبك يللي لحد الان ما حدا رد علي

حزبنا متل ما قلتلك معارض بس لأخوية أفضل ونحنا منعرف انو الأدارة كمان بدها أخوية أفضل

ولذلك نحنا منتحاور ومنتناقش وما بدنا ناخد محل الأدارة وأصلا ما فينا ولا المفروض فينا انو نفكر بهالشي


يعني بعتقد انو انتا يللي بدك تعارض من شان المعارضة يعني انتا ضد الأدارة وضد حزب تحرير الأخوية وضد حزب الحماصنة وضد الجميع