صورتها (شعر عامى للبنات وبس)
انا قلت نبدأ بحاجة كده على ما قسم نجس بيها نبض المنتدى هنا وبعدين ننزل بكل تقلنا لو العملية مشيت واتظبطنا
صورتها
ماتقولى ليه اختارتنى
و قولت انك بتحبنى
و فى عز فرحى سبتنى
احلم معاك بطعم بكرة
يمكن عشان اشبهلها
او فيا كتير منها
معقولة لسه بتحبها
و هى بقت مجرد ذكرى
لكن انا غيرها بكل ما فيا
و مش حقدر اكونلك هى
و مش حرضى اعيش جنبك
مجرد صورة وهمية
لسه عايش فى اوهامك مش قادر تفوق
عينيك لسه مليانين حنين ليها وشوق
بتدور عليها فى كلامى و سكونى
و مش قادر تلاقيها حتى فى لون عيونى
خلاص مش قادرة اتحمل عذابى فاق حدودى
صورتها عايشة فى كل مكان بتهدد وجودى
مش حقدر اعيش بينها وبينك نايهة
لأنك محبتنيش و مش عايز تخسرها
لا اله الا الله محمد رسول الله
|