[Hus]

كاتب النص الأصلي : King RORO

يعني عن جد حكي نظامي
يعني الولد المعتر شو دخلو؟؟؟
الحق على هدوليكي يللي ما بعدوا كام ولد صار عندن وبضلو بزتو بهالولاد
ع اساس ما طالع بايدنا شي بهالحياة غير بهديك الشغلة....
وبالتالي العقدة بتنتقل للولد غصب عنو وكالعادة تعاد المصفوفة الوراثية وهيك لحتى بدو يجي يوم
يصير في حاويات للولاد وحاويات للزبالة...... بس ما هون القصة القصة انو هاليوم حاسو
عن قريب وكل مالو بيقصر مع هالزيادة السكانية الغبر معقولة
يعني يمكن اعلى نسبة تكاثر سكاني بالكون مو بالعالم
وعقولة ((هاد الشي الوحيد يللي فالحين فيه))

لما الواحد ابوه بيموت بيورث عنو مصرياتو عن طيب خاطر لا بيقول هدول ما حقي ولا شو دخلني انا ..
يعني واحد صايع ضايع وابو عندو مصاري .. بيموت ابوه بيورث الصايع الضايع المصاري عن ابوه
فيك اتقول هذول ما حقو .. ولا باي منطق ورث هال المصاري عن ابوه .. او او ..
بنفس المعيار بالظبط لازم وعن طيب خاطر يورث الفقر عن ابوه .. (وبطيييييييييييييب خاطر ) ويورث التعتير ..والشنططة والمرمطة الخ ..
هذا ما غلطتو اي صح
بس ليش طيب من ايمت الواحد ما بيتحاسب غير على غلطاتو ..
لما يهود بيموتو بعملية انتحارية .. هوي غلطتون انهم يهود مثلا !!
لما فلسطيني نايم بامان الله بينزل صاروخ ببيتو بيفجر البيت بما فيه هاي غلطة الفلسطيني .. لاء اكيد لاء

يعني بالنهاي الشخص لا يحاسب على اغلاطه فقط وانما على اغلاطه واغلاط اجداده .. وهذا منطق جدا

من هال الباب انا ما بشعر بالشفقة تجاه المتسولين مثلا .. بالعكس تمام بشوف فيهم سلسة غباء .. واحد معتر خلف ولاد منشان يتعترو والمعترين خلفو ولاد منشان يتعرتو وهيك ..

حتى لو بدك اتشوفها على الدين مثلا ..
بالمعتقد المسيحي اجى المسيح ليخلص ويغسل الشعب من الخطئة الاولى خطئية ادم وحواء ..
شو انا زنبي انو حواء اكلت التفاحة ..
لاء انا زنبي .. فحواء من اجدادي .. ومن الطبيعي اورث اخطائها متل ما بورث ايجابياتها .. وبدون تزمر !
سلام