[مجد حسن]

مرحبا
أنا أول شي مو بصدد تقييم المتنبي وأمثاله لأنهم اكبر من التقييمات (طبعا شعرا) بس في شغلة كتير مهمة هو إنو كمان الشعر النثري أقوى صوراً وأصعب تعبيراً لأن الشعر النثري فيه شغلة اسمها موسيقى داخلية أغزر وأعمق من كل القوافي والبحور والأهم من كل هذا إنو بيعبر عنا أكثر
يعني الأمور اختلفت ما عاد في اطلال وسيوف وحصن صارت الأمور مختلفة أكثر
وصار التعبير عن الحب بطريقة مختلفة اكثر يعني أنت صرت بتعبر عن كل شي أحيانا بجملة واحدة مختصرة وغنية بالصورة
الشعر النثري بيهمو الصورة أكتر
مو طريقة العرض يعني بالبحر الطويل او الرمل او الكامل وتمستفعلن فعلن او فاعلن
حتى اذا لاحظتو كل بحر كان له مجازات وهذه دليل حسي انو كان احيانا الشاعر يحاول يخرج من قفص العروض والوزن
انا مو عم اتهجم على الشعر الموزون بالعكس انا بحبه كتير والمتنبي وشلته غير شكل بس يعني نحنا مو بالضرورة نلبس ثيابهم حتى نكون نحبهم وهذا راي مو أكتر